មានគូស្វាមីភរិយាជាច្រើនតែងតែជ្រើសរើសយកវិធីបញ្ចោញទឹកកាមនៅខាងក្រៅឬ “ចាក់ទឹកក្រៅពាង” ក្នុងអំឡុងពេលរួមភេទដើម្បីបញ្ចៀសការមានផ្ទៃពោះដល់ដៃគូស្រីជាជាងការប្រើស្រោមអនាម័យដែលគេគិតថា វាមិនសូវមានភាពសុខស្រួលនិងការឲ្យភាគីស្រីប្រើប្រាស់ថ្នាំពន្យារកំណើតជាដើមដែលគេគិតដែរថាវាអាចធ្វើឲ្យប៉ះពាល់ដល់សុខភាពស្ត្រីជាម្តាយ និងទារក។
តើជាក់ស្តែងវាមានប្រយោជន៍ដូចអ្នកគិតទេ? សូមតាមដាន ស្វែងយល់ពីផលប៉ះពាល់ ៤យ៉ាងចំពោះសុខភាពរបស់អ្នកដូចខាងក្រោម៖
១. ងាយកើតអាការៈចេញទឹកកាមឯកឯង
នៅក្នុងពេលកំពុងរួមភេទបុរសតែងស្ថិតក្នុងសភាពត្រេកត្រអាលខ្ពស់។ នៅមុនពេលចេញទឹកកាមប្រដាប់ភេទរបស់ គេឡើងរឹងបំផុតប្រសិនបើអ្នកប្រញាប់ប្រញាលទម្លាក់អាវុធនោះវានឹងបង្កភាពលំបាកដល់សរសៃប្រសាទកណ្តាល ហើយធ្វើឲ្យច្របូកច្របល់ដល់ប្រព័ន្ធបញ្ចោញទឹកកាម។ប្រសិនបើស្ថានភាពនេះកើតមានជាហូរហែក្នុងរយៈពេល យូរវានឹងនាំទៅរកការកើតអាការៈចេញទឹកកាមដោយឯកឯង។
២. ងាយទ្រុឌទ្រោមផ្នែកសរសៃប្រសាទ
ក្នុងអំឡុងពេលរួមរ័កអារម្មណ៍ត្រេកត្រអាលរបស់បុរសភេទសុទ្ធតែត្រូវបានបញ្ជាដោយខួរក្បាល។ នៅពេលទៅដល់ ចំណុចកំពូលបំផុតសរសៃប្រសាទនឹងស្ថិតក្នុងភាពតានតឹងចង្វាក់បេះដូងលោតញាប់សម្ពាធឈាមឡើងខ្ពស់។ ក្នុង ស្ថានភាពបែបនេះប្រសិនត្រូវបានបង្អាក់ភ្លាមៗដោយប្រការណាមួយនោះវានឹងធ្វើឲ្យប៉ះពាល់ដល់អារម្មណ៍ផ្លូវភេទយូរៗ ទៅនឹងធ្វើឱ្យសរសៃប្រសាទបញ្ជាផ្នែកផ្លូវភេទត្រូវចុះខ្សោយនិងនាំទៅរកការកើតជំងឺឆាប់ចេញទឹកកាមឬងាប់ប្រដាប់ភេទ។
៣.ប្តីប្រពន្ធមិនស្រុះស្រួលគ្នា
ការស្រុះស្រួលផ្នែកផ្លូវភេទគឺជាប្រការសំខាន់ជួយឲ្យគូស្វាមីនិងភរិយាមានមនោសញ្ចោតនាល្អប្រសើរជាងមុន។ ប៉ុន្តែនៅពេលចេញទឹកកាមចោលខាងក្រៅជាញឹកញាប់នឹងបណ្តាលឲ្យប្តីប្រពន្ធពិបាកក្នុងការស្រុះស្រួលគ្នា។ ក្រៅពីនេះ បើអ្នកទាំងពីរប្រើវិធីនេះដើម្បីបញ្ចៀសការមានផ្ទៃពោះប៉ុន្តែនៅតែមាននោះវានឹងធ្វើឲ្យមានការសង្ស័យពីសំណាក់ស្វាមី ដូច្នេះវាបណ្តាលឲ្យក្នុងគ្រួសារមានភាពមិនចុះសម្រុងគ្នា។លើសពីនេះទៅទៀតការប្រើប្រាស់វិធីនេះក៏អាចធ្វើឲ្យស្ត្រីជា ប្រពន្ធមិនបានទទួលភាពពេញចិត្ត និងបង្កអារម្មណ៍តានតឹងដល់នាងផងដែរ។ រីឯអារម្មណ៍ភ័យខ្លាចអំពីការរួមភេទក៏ធ្វើឲ្យ មនោសញ្ចោតនាប្តីប្រពន្ធត្រូវប្រេះឆាដូចគ្នា។
៤. ប្រពន្ធងាយនឹងមានអារម្មណ៍ព្រងើយកន្តើយក្នុងពេលរួមរក្ស
បុរសបានទៅដល់ចំណុចកំពូលប៉ុន្តែភាគីខាងស្រីនៅតែមិនទាន់ទៅដល់គោលដៅប្រសិនបើនៅពេលភ្លាមៗនោះបុរសជា ប្តីបានឈប់ស្ងៀមហើយបញ្ចោញទឹកកាមចោលនៅខាងក្រៅវានឹងនាំឲ្យដៃគូរបស់គេខកចិត្តករណីនេះកើតឡើងក្នុង រយៈពេលយូរនាងនឹងកើតមានអារម្មណ៍ព្រងើយកន្តើយដោយសារការមិនសប្បាយចិត្ត៕
មតិយោបល់