ការសិក្សាថ្មីមួយបានបង្ហាញថា បុរសយល់សប្តិពីគ្រោះមហន្តរាយ គ្រោះធម្មជាតិក្នុងពេលដែលនារីយល់សប្តិទាក់ទងនឹងជម្លោះក្នុងសង្គម និងការបាត់បង់អ្វីមួយ។ អ្នកវិទ្យាសាស្ត្រជាច្រើននាក់ បានស្វែងរកឃើញពីដំណោះស្រាយនៃភាពខុសគ្នារវាងការយល់សប្តិរបស់បុរស និងនារីដែលបានកើតឡើងជារៀងរាល់យប់។ តាមលទ្ធផលនៃការសិក្សាដ៏ទូលំទូលាយបំផុតមួយទៅលើការយល់សប្តិ បានបញ្ជាក់យ៉ាងច្បាស់ថា បុរសៗភាគច្រើនតែងតែជួបនឹងការយល់សប្តិដែលទាក់ទងនឹងគ្រោះមហន្តរាយដូចជា គ្រោះទឹកជំនន់ រញ្ជួយដី គ្រោះធម្មជាតិ ឬក៏យល់សប្តិឃើញសត្វពាហៈនៈដេញពីក្រោយ ឬសត្វល្អិតដេញ។ ក្នុងគ្រានេះដែរ នារីៗវិញជាញឹកញាប់យល់សប្តិពីរឿងដែលគួរឲ្យខ្លាចដូចជា ជម្លោះក្នុងសង្គម ទំនាក់ទំនង ឬការបាត់បង់អ្វីមួយ និងការបាក់បែកសម្ភារៈ។
វេជ្ជបណ្ឌិត Genevieve Robert ជាអ្នកចិត្តសាស្ត្រនៅសកលវិទ្យាល័យMontrealបាននិយាយថា “បុរសយល់សប្តិពីគ្រោះមហន្តរាយដូចជាគ្រោះទឹកជំនន់ជាដើម ក្នុងពេលនោះដែរការយល់សប្តិរបស់នារីតែងតែបន្លាចពីជម្លោះផ្ទាល់ខ្លួន។ ការយល់សប្តិបែបនេះធ្វើឲ្យប៉ះពាល់ទៅដល់អារម្មណ៍នារីៗយ៉ាងខ្លាំងដែលបណ្តាលឲ្យភ្ញាក់ដឹងខ្លួនទាំងយប់” ។
អ្នកស្រាវជ្រាវបានរៀបចំការពិសោធន៍មួយនៅពេលដែលមនុស្សជាង ៥៧២ នាក់ត្រូវការឲ្យមានការឆ្លើយនឹងសំនួរអំពីការយល់សប្តិរបស់ពួកគេ។ តាមលទ្ធផលគេប្រមូលបាន ១០,០០០ គំនិតអំពីការយល់សប្តិ។
អ្នកឯកទេសចិត្តសាស្ត្រ Antonio Zadraបាននិយាយថា ” គ្មាននរណាម្នាក់ដែលយល់សប្តិរៀងរាល់យប់ក្នុងរយៈពេល ១២ ម៉ោង តែមិនអាចចងចាំអ្វីសោះនោះទេ ” ។ ការយល់សប្តិរបស់នារីៗ បណ្តាលមកការខឹង ដែលបង្កប់នូវអារម្មណ៍ក្រៀមក្រំ ផ្អែមល្វីង។ ការយល់សប្តិអាក្រក់ច្រើនលើកច្រើនសារនឹងធ្វើឲ្យអ្នកមានអារម្មណ៍ហត់នឿយ ធ្វើឲ្យបែកញើស និងរងារនៅពេលភ្ញាក់ពីដំណេកវិញ៕
ចុចទីនេះមើលប្រភពដើម www.mungkulkar.com សហការជាមួយនឹងដំណឹង
មតិយោបល់