ស្ត្រីម្នាក់មានទម្ងន់រហូតដល់ទៅ ២៧៣ គីឡូក្រាម រស់នៅក្នុងរដ្ឋ Texas បានជួបបញ្ហាច្រើនយ៉ាងនៅក្នុងជីវិតដោយសារតែមាឌដ៏ធំរបស់នាង។ កាលពីអាយុ ៨ ឆ្នាំនាង Zsalynn Whitmore ចាប់ផ្តើមហូបអាហារយ៉ាងច្រើន រហូតដល់នាងមិនអាចគ្រប់គ្រងខ្លួនឯងបាន។ ការឡើងទម្ងន់របស់នាងមិនត្រឹមតែពិបាកធ្វើចលនានោះទេ ថែមទាំងធ្វើឲ្យនាងបាត់បង់ការងារធ្វើថែមទៀត។
ក្រៅពីញ៉ាំអាហាររួចនាងអង្គុយនៅស្ងៀមមិនធ្វើចលនាអ្វីទាំងអស់ រហូតដល់ម្តាយរបស់នាងមានការខកចិត្តយ៉ាងខ្លាំងចំពោះការមិនយកចិត្តទុកដាក់និងការឡើងទម្ងន់របស់ខ្លួនឯង។ បន្ទាប់មកដើម្បីសម្រកទម្ងន់នាង Zsalynn ត្រូវបានធ្វើការវះកាត់កាលពីឆ្នាំមុន ហើយនាងអាចកាត់បន្ថយដល់ទៅ ១៤៩ គីឡូក្រាម។ ដូច្នេះដើម្បីសម្រេចបានដូចបំណងដែលនៅសល់ត្រឹម ៨៩ គីឡូក្រាម Zsalynn កំពុងតែព្យាយាមកម្រិតរបបអាហារ និងការហាត់ប្រាណជារៀងររាល់ថ្ងៃ៕
មតិយោបល់