Thousand Island ជាប្រជុំកោះមួយដែលស្ថិតនៅចន្លោះព្រំដែនប្រទេសកាណាដា និងសហរដ្ឋអាមេរិក ក្នុងទន្លេរ Saint Lawrence River និងងនៅភាគឦសាននៃបឹង Ontario ដោយវាប្រមូលផ្ដុំដោយកោះធំ-តូច ជាច្រើនប្រមាណជា ១.៨៦៤កោះ។
នៅលើកោះភាគច្រើន គឺត្រូវបានគេសាងសងផ្ទះ ព្រោះថាវាមានទំហំដីដែលអាចសង់ផ្ទះបាន ហើយផ្ទះដែលបានសាងសងគឺមានរចនាបទល្អឯកទៀតផង។ បើនិយាយពីទេសភាពវិញ គឺពិតជាចង់ឲ្យរស់នៅ។
យោងតាមរបាយការណ៍បានបញ្ជាក់ថា នៅប្រជុំកោះនេះ មានប្រជាជនរស់នៅប្រមាណជា ១.៤០០នាក់ ហើយសម្រាប់ការរស់នៅប្រចាំថ្ងៃវិញគឺដូចជានៅកន្លែងផ្សេងអីចឹង គឺពួកគេប្រើប្រាស់ទូកកាណូតសម្រាប់ធ្វើជាមធ្យមបាយធ្វើដំណើរ ចំណែប្រព័ន្ធទឹក ភ្លើង និងទូរស័ព្ទត្រូវបានតភ្ជាប់ពីកោះមួយទៅកោះមួយតាមរយ:ខ្សែរក្រោមទឹក។
គួរបញ្ជាក់ផងដែរថា ឥឡូវនេះ វាបានក្លាយទៅជាតំបន់កម្សាន្តមួយ សម្រាប់អ្នកដែលចូលចិត្តទេសភាពបែបធម្មជាតិ ហើយវាក៏បានក្លាយជាទីកន្លែងដែលក្រុមគ្រួសារជាច្រើនជ្រើសរើសសម្រាប់ជួបជុំគ្នាផងដែរ៕
មតិយោបល់