ក្រុមហ៊ុនស្រាបៀរហូឡង់បានរាយការណ៍ពីប្រាក់ចំណេញទាបរបស់ Heineken ក្នុងឆ្នាំ ២០១៣ ប៉ុន្តែរំពឹងថានឹងកើនឡើងជាថ្មីម្ដងទៀតនៅក្នុងឆ្នាំនេះ។
នៅថ្ងៃពុធម្សិលមិញនេះ ក្រុមហ៊ុនស្រាបៀរអាល្លឺម៉ង់បានរាយការណ៍មកថា ប្រាក់ចំណេញសុទ្ធបានធ្លាក់ចុះ ៥៣ភាគរយ ដោយទទួលបាន ១,៣៦ពាន់លានអឺរ៉ូ ស្មើនឹង ១,៨៦ពាន់លានដុល្លារអាមេរិក បើធៀបទៅនឹងឆ្នាំ ២០១២ មានចំនួន ២,៩១ពាន់លានអឺរ៉ូ។
នៅក្នុងសេចក្ដីប្រកាសបានបង្ហាញថា ប្រាក់ចំណូល មានចំនួន ២១,២៦ពាន់លានអឺរ៉ូ បើធៀបនឹងឆ្នាំ ២០១២ មានចំនួន ២០,៩៨ពាន់លានអឺរ៉ូ។
នាយកប្រតិបត្តិរបស់ក្រុមហ៊ុនស្រាបៀរមួយនេះ បានថ្លែងថា ឆ្នាំ ២០១៣ គឺជាឆ្នាំដែលលំបាក់បំផុត ដូចជាកំណើនសេដ្ឋកិច្ចយឺត ទីផ្សារសំខាន់ៗរងនូវផលប៉ះពាល់អវិជ្ជមានដល់ការលក់។
ក្រុមហ៊ុន Heineken បានរំពឹងថា សេដ្ឋកិច្ចពិភពលោកនឹងងើបឡើងវិញបន្ដិចម្ដងៗ ដែលជាហេតុនាំឲ្យទីផ្សារស្រាបៀរកើនឡើងវិញ៕
មតិយោបល់