តារាក្បាច់គុនកំពូលរបស់ហុងកុង និង ព្រះអង្គម្ចាស់អង់គ្លេស ពិតជាមានទំនាក់ទំនងល្អនឹងគ្នា ។
កាលពីថ្ងៃទី ១២ ខែ កុម្ភៈ ឆ្នាំ ២០១៣ កន្លងទៅនេះ ព្រះអង្គម្ចាស់ Prince William និង តារាសម្តែងជើងចាស់ល្បីឈ្មោះទូទាំងពិភពលោក Jackie Chan បានមានឱកាសរួមគ្នាក្នុងការធ្វើសន្និសីទកាសែត អភិរក្សសត្វព្រៃ ដែលជួបគ្នា នឹងធ្វើឡើងនៅសារៈមន្ទីរ ប្រវត្តិសាស្ត្រធម្មជាតិ ក្នុងទីក្រុងឡុងដ៏ ។ ក្នុងព្រឹត្តិការណ៍នេះដែរ គេសង្កេតឃើញថា លោក Jackie Chan ហៅឈិនឡុង និង ព្រះអង្គម្ចាស់ Prince William ពិតជាសប្បាយរីករាយ និង បើការទំនាក់ទំនងគ្នា ដោយស្និទ្ធស្នាលជាទីបំផុត។
ឈិនឡុង ត្រូវបានគេស្គាល់យ៉ាងច្បាស់ថា ជាតារាមួយដួងដែលមាចិត្តសប្បុរសធម៌ជាទីបំផុត ក្នុងឧស្សាហកម្មកម្សាន្តរបស់ហុងកុង ដោយក្នុងនោះ លោកក៏បានចូលរួមស្ទើគ្រប់សកម្មភាព អភិរក្សសត្វព្រៃ និងធម្មជាតិលើពិភពលោកនេះ។
តាមរបាយការណ៍បានឲ្យដឹងថា ព្រះអង្គម្ចាស់ Prince William បានវាយតម្លៃខ្ពស់ចំពោះតារាហុងកុង ដើម្បីកិច្ចការអភិរក្សសត្វព្រៃ ។
ជាមួយនឹងវ័យកាន់តែជ្រេ លោក ឈិនឡុង ធ្លាប់បាននិយាយថា ខ្លួនគាត់ ឈប់ថតរឿងហើយ ប៉ុន្តែជំនួសឲ្យការឈប់ថតរឿង លោក កំពុងតែមានគម្រោងវិនិយោគ ជាមួយនឹងទឹកប្រាក់ ១០០ លានដុល្លារហុងកុង ដើម្បីបង្កើតក្រុមហ៊ុនមួយបណ្តុះបណ្តាលផ្នែកសិល្បៈ ដែលជាជ្រុងមួយជួយដល់ឧស្សាហកម្មកម្សាន្តរបស់ចិន ៕
មតិយោបល់