ស្នាមដានជើងរបស់មនុស្សបុរាណកាលពី ៨០០.០០០ឆ្នាំមុន ត្រូវបានគេរកឃើញនៅក្នុងប្រទេសអង់គ្លេសកាលពីថ្មីៗនេះ ដែលជាភស្ដុតាងដំបូងបង្អស់នៃសញ្ញាណសម្គាល់ក្រៅពីទ្វីអាហ្វ្រិក។
ក្រុមអ្នកស្រាវជ្រាវបានរកឃើញស្នាមជើងដែលមានទាំងដានជើងមនុស្សធំ និងកូនក្មេង ដែលជាប់នឹងថ្មភក់បុរាណក្នុងឆ្នេរសមុទ្រ Happisburgh តំបន់ Norfolk ភាគខាងកើតនៃប្រទេសអង់គ្លេស។ ស្នាមដានជើងដែលគេបានប្រទះឃើញផ្សេងទៀតគឺនៅក្នុងប្រទេសតង់ហ្សានី ដែលមានអាយុកាលប្រមាណជា ៣,៥លានឆ្នាំ ហើយមួយផ្សេងទៀតគឺនៅក្នុងប្រទេសកេនយ៉ាដេលមានអាយុកាល ១,៥លានឆ្នាំ។
លោក Nick Ashton មកពីសារមន្ទីរអង់គ្លេសបានដឹកនាំក្រុមស្រាវជ្រាវ នឹងបាននិយាយថា “នេះជាការរកឃើញដ៏កម្រខុសពីធម្មតា”។
លោក Ashton បានបន្តទៀតថា “ដំបូងឡើយយើងមិនប្រាកដថាវាជាអ្វីនោះទេ ប៉ុន្តែពេលដែលយើងយកវាចេញពីដីខ្សាច់ និងលេងសម្អាតទៅ ទើបសម្គាល់បានថា ជាពុម្ពដែលមានរាងដូចដានជើងមនុស្ស បើទោះបីជាវាត្រូវបានសឹករេចរិលដោយសារទឹកសមុទ្រក្ដី”។
ក្រុមអ្នកស្រាវជ្រាវ ដែលមានលោក Ashton បានជឿថានៅតំបន់ដែលរកឃើញដានជើងនេះ ជាកន្លែងដែលមនុស្សជំនាន់បុរាណដើរចុះឡើង ទើបបន្សល់ទុកដានជើងបែបនេះ ព្រោះថាវាមានទាំងដានជើងមនុស្សធំ និងមនុស្សតូច។
បើទោះបីជាក្រុមអ្នកស្រាវជ្រាវបានជឿថានេះជាដានជើងមនុស្សបុរាណក្ដី ប៉ុន្តែគេមិនទាន់អាចកំណត់បានថា ជាមនុស្សជំនាន់ណានោះទេ អ្វីដែលប៉ាន់ប្រមាណនោះគឺវាប្រហែលជាមានអាយុកាល ៨០០.០០០ឆ្នាំមុន៕
https://i1272.photobucket.com/albums/y389/domneng/footprints-2_zpse60b4cef.jpg
https://i1272.photobucket.com/albums/y389/domneng/footprints-3_zps8b10bb9b.jpg
https://i1272.photobucket.com/albums/y389/domneng/footprints-4_zpsd16d6437.jpg
https://i1272.photobucket.com/albums/y389/domneng/footprints-5_zps83ef36d6.jpg
https://i1272.photobucket.com/albums/y389/domneng/footprints-1_zpsc89e7e92.jpg
https://i1272.photobucket.com/albums/y389/domneng/footprints-6_zpse69604b2.jpg
មតិយោបល់