គណៈគ្រប់គ្រងកីឡាបាល់ទាត់ពិភពលោក FIFA នៅថ្ងៃសុក្រម្សិលមិញនេះបានឲ្យដឹងថា សំបុត្រសម្រាប់ចូលរួមទស្សនាព្រឹត្តិការណ៍ Wold Cup 2014 ចំនួន ២,៣លានសន្លឹកត្រូវបានលក់ នៅក្នុងដំណាក់កាលពី២។
មានការស្នើសុំទិញសំបុត្រសម្រាប់ចូលរួមការប្រកួតកីឡា Wold Cup 2014 ចំនួន ១០លានសំណើរ មកពីបណ្ដាប្រទេស ២២៨ ចាប់តាំងពីខែសីហា ឆ្នាំមុន។ យោងតាមការបញ្ជាក់ អ្នកគាំទ្រនៅក្នុងប្រទេសប្រេស៊ីលទទួលបានសំបុត្រច្រើនជាងគេបំផុតរហូតដល់ ៩០៦.០០០សំបុត្រ ចំណែកសហរដ្ឋអាមេរិកទទួលបាន ១២៥.០០០សំបុត្រ កូឡុំប៊ីទទួលបាន ៦០.០០០សំបុត្រ អាល្លឺម៉ង់ ៥៦.០០០សំបុត្រ និងអាហ្សង់ទីនទទួលបាន ៥៤.០០០នាក់។
អគ្គលេខាធិការ FIFA លោក Jerome Valcke បានថ្លែងឲ្យដឹងនៅក្នុងសន្និសីទកាសែតមួយថា “យើងទទួលបានតម្រូវការសំបុត្រច្រើន ដោយមានអ្នកគាំទ្រជាច្រើនបានស្នើសុំទិញសំបុត្រ ជាពិសេសពីបណ្ដាប្រទេសដែលនិយមលើវិស័យកីឡាបាល់ទាត់”។
គួរបញ្ជាក់ផងដែរថា World Cup ឆ្នាំនេះនឹងត្រូវធ្វើឡើងចាប់ពីថ្ងៃទី១២ខែមិថុនា ឆ្នាំ ២០១៤ រហូតដល់ថ្ងៃទី១៣ខែកក្ដដា ឆ្នាំ ២០១៤ នៅក្នុងប្រទេសប្រេស៊ីល៕
មតិយោបល់