បង្ហាញទម្រង់លេងជាលើកតំបូង បន្ទាប់ពីកុងត្រាថ្មី រយៈពេល ៤ ឆ្នាំ កីឡាករ Wayne Rooney បានជួយឲ្យក្លិបបិសាចក្រហម ឈ្នះយ៉ាងសុវត្ថិភាពក្នុងលទ្ធផល ២-០ នៅក្រៅទឹកដី ដែលាមានម្ចាស់ផ្ទះ Crystal Palace នោះ។
វាជារឿងដ៏គួរឲ្យចាប់អារម្មណ៍ សម្រាប់អ្នកគាំទ្រក្លិបបិសាចក្រហម ដែលកំពុងផ្តោតទៅលើខ្សែប្រយុទ្ធ ដែលមានតម្លៃខ្លួន កប់ស៊េរីដែរនោះ គឺលេងមួយសប្តាហ៍ ៣ សែនផោន ។ កីឡាករ Wayne Rooney ក្នុងការប៉ះជើង ជាមួយនឹង Crystal Palace បានរកគ្រាប់បាល់បាននៅនាទី ៦៨ បន្ទាប់ពី កីឡាករ Van Persie រកគ្រាប់បាល់បាននៅនាទី ៦២ ដែលជាគ្រាប់បាល់ប៉េណ័លទី នោះ។
តែអ្វីដែលធ្វើឲ្យគេចាប់អារម្មណ៍បំផុត លើ Wayne Rooney កាលពីរាត្រីទៀបភ្លឺយប់មិញនេះ គឺគ្រាប់បាល់ វ៉ូឡេ ដែលឲ្យចេញពីកីឡាករ Evra នោះ។
លទ្ធផល ឈ្នះ ២-០ កាលពីរាត្រីយប់មិញនេះដែរ បានធ្វើឲ្យ ក្លិប មួយនេះ រំកិលខ្លួន ទៅកាន់លេខរៀងទី ៦ ដោយមាន ៤៥ ពិន្ទុ ក្នុងចំណោម ២៧ ប្រកួត ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់