តារាចម្រៀង Robin Thicke ម្ចាស់បទ Blurred Lines វ័យ ៣៦ បានបញ្ជាក់ឲ្យដឹងថា នៅពេលនេះលោក នឹងភរិយា នាង Paula Patton វ័យ ៣៨ឆ្នាំ បានលែងលះគ្នា បន្ទាប់ពីរៀបការបាន ៨ឆ្នាំ។ នេះបើយោងតាមការបញ្ជាក់របស់ Yahoo។
“ពួកយើងនឹងតែបន្តការស្រឡាញ់ចំពោះគ្នាទៅវិញទៅមក ហើយក៏ជាមិត្តដ៏ល្អផងដែរ ប៉ុន្តែទោះជាយ៉ាងណា ពួកយើងមិនអាចរស់នៅជាមួយគ្នាលក្ខណៈប្ដីប្រពន្ធបាននោះទេ ដូច្នេះគឺត្រូវចែកផ្លូវគ្នា ដើម្បីសេចក្ដីសុខ និងភាពសប្បាយរីករាយផ្ទាល់ខ្លួន”។ នេះជាសំដីរបស់លោក Robin Thicke និងនាង Paula Patton បញ្ជាក់ប្រាប់សារព័ត៌មានឲ្យដឹង។
លោក Robin Thicke និងនាង Paula Patton បានរៀបការកាលពីឆ្នាំ ២០០៥ ហើយជាចំណងដៃពួកគេទទួលបានកូនប្រុសម្នាក់ ឈ្មោះ Julian Fuego កាលពីឆ្នាំ ២០១០៕
មតិយោបល់