ក្នុងនាមជាអ្នករចនាម៉ូតដ៏លេចធ្លោក្នុងពិភពម៉ូតអចិន្ទ្រៃយ៍លើពិភពលោក ប៉ុន្តែនាង Victoria Beckham ជឿថាប្តីរបស់នាងនឹងមិនប្រគល់ ភារកិច្ច ជាមួយនឹងការបង្កើតគំរូ ឈុតខោអាវរបស់ក្លិប Miami នោះទេ។
នៅទីនេះដែរមានមនុស្សជាច្រើ បានគិតថា Beckham គួរតែសួរប្រពន្ធរបស់គាត់ ជាគំនិតក្នុងការរចនា ឈុតខោអាវរបស់ក្លិប ប៉ុន្តែធាតុពិត វាខុសឆ្ងាយតែម្តង ។ របាយការណ៍ដែលកៀកនឹងតារាបាល់ទាត់រូបនេះបានឲ្យដឹងថា Beckham បាននិយាយថា Adidas នឹងក្លាយជាដៃគូដ៏សំខាន់ របស់តារាអង់គ្លេសរូបនេះ ។
ប្រភពខាងលើបានបន្តថា ជាញឹកញាប់រាល់ការងារ Beckham តែងតែពិភាក្សាជាមួយនឹងប្រពន្ធ តែតាមការពិតពួកគេមិនបានធ្វើការរួមគ្នាទេ ពេលនេះ ព្រោះថា នាង Victoria កំពុងរវល់ខ្លាំងក្នុងការចនាម៉ូតនៅសហរដ្ឋអាមេរិក។
របាយការណ៍បានឲ្យដឹងថា ឈុតដែលត្រូវរចនា សម្រាប់ក្លិប Miami វាស្រដៀងទៅនឹងឈុតអតីតក្លិប បិសាចក្រហមរបស់ខ្លួន ដែលលេងកន្លងមក៕
មតិយោបល់