បញ្ហាសក់ស្តើងគឺកើតឡើងជាញឹកញាប់ទាំងបុរស និងស្ត្រី ប៉ុន្តែប្រសិនបើអ្នកផ្លាស់ប្តូរទិដ្ឋភាពមួយចំនួននៃរបបអាហារ និងរបៀបរស់នៅរបស់អ្នក វាអាចជួយការពារបញ្ហាជ្រុសសក់បានយ៉ាងល្អ។ គេសន្មតថាសក់ស្តើងជាសញ្ញាប្រាប់ថាអ្នកមានអាយុចាស់ ប៉ុន្តែការពិតវាមិនដូចច្នេះទេ។ ការជ្រុសសក់អាចបណ្តាលមកពីភាពតានតឹងខ្វះអរម៉ូន ឬកង្វះសារធាតុចិញ្ចឹម។
ខាងក្រោមនេះជាវិធីមួយចំនួនក្នុងការពារបញ្ហាជ្រុសសក់៖
របបអាហារ និងការធ្វើលំហាត់ប្រាណដើម្បីការពារការជ្រុសសក់
របបអាហារ ដែលល្អមានតុល្យភាពគឺសំខាន់សម្រាប់សុខភាពសក់ និង អាហារមួយចំនួន ជួយរក្សាអ្នកពីការបាត់បង់សក់របស់អ្នក។ ភាគច្រើនការលូតលាស់នៃសក់ត្រូវបានផ្សំឡើងពីប្រូតេអ៊ីន, និងរបបអាហារមួយចំនួន ដែលមានប្រូតេអ៊ីនខ្ពស់ នៅក្នុងសាច់ និងទឹកដោះគោ អាចជួយពង្រឹងសក់របស់អ្នក។ ការបរិភោគបន្លែផ្លែឈើពណ៌បៃតង ក៏ដូចជាអ្នកកំពុងតែ ទទួលបានសារធាតុចិញ្ចឹមជាច្រើនពីប្រភពធម្មជាតិ។ វាក៏សំខាន់ផងដែរក្នុងការផឹកទឹកឲ្យបានច្រើន (២/៥ ទៅ ៣ លីត្រនៅក្នុងមួយថ្ងៃ)។
យកសារធាតុបន្ថែមដើម្បីទប់ស្កាត់ការជ្រុសសក់
ប្រសិនបើអ្នកបានបាត់បង់សក់ច្រើនជាងធម្មតាអ្នកត្រូវវិភាគទៅលើរបបអាហាររបស់ អ្នកដើម្បីមើលថាតើអ្នកអាចនឹងត្រូវបានបាត់បង់វីតាមីនដ៏សំខាន់មួយចំនួន និងសារធាតុចិញ្ចឹមដែរ ឬទេ។ កង្វះជាតិដែក ឬភាពស្លេកស្លាំងអាចបង្កឱ្យមានសក់ស្តើង។ ថ្នាំគ្រាប់ជាតិដែកអាចជួយជំរុញចលនាឈាមក្នុងស្បែកក្បាលរបស់អ្នក ហើយអាចរក្សាឫសសក់របស់អ្នកមានសុខភាពល្អ និងលើកកម្ពស់កំណើនសក់។ វីតាមីន B និង C ក៏មានប្រយោជន៍នៅក្នុងការប្រយុទ្ធប្រឆាំងនឹងសក់ស្តើងនេះដែរ។
ទុកពេលវេលាឲ្យសសៃសក់សម្រាកបានគ្រប់គ្រាន់
ភាពតានតឹងបណ្តាលឱ្យ អតុល្យភាពនៅក្នុងរាងកាយដែលទីបំផុតអាចប៉ះពាល់ដល់សក់របស់អ្នក។ តើអ្នកបានទទួលរងពីជម្ងឺធ្ងន់ធ្ងរដែលជាបទពិសោធន៍មួយដ៏រន្ធត់ ឬទេ?ឬគ្រាន់តែជាការគេងមិនបានគ្រប់គ្រាន់, ភាពតានតឹងនៃរាងកាយរបស់អ្នក វាក៏អាចបណ្តាលបាត់បង់សក់ដែរ។ សក់របស់អ្នកអាចចាប់ផ្តើមធ្លាក់ចុះ បន្ទាប់ពីប៉ុន្មានខែក្រោយមកដែលអ្នកចាប់ផ្តើមមានភាពតានតឹងកើតឡើង។ ប្រសិនបើអ្នកមានអារម្មណ៍ថាតក់ស្លុតសូមព្យាយាម សំរាកលំហែខ្លះ ដើម្បីរក្សារាងកាយរបស់អ្នកឲ្យមានតុល្យភាព។ ដោយអនុវត្តន៍វិធីមួយចំនួនដូចជាការ ដកដង្ហើមជ្រៅៗ ធ្វើសម្មាធិ ឬនិយាយទៅមិត្តឲ្យបានច្រើនវាជាការល្អ ដែលអាចជួយប្រឆាំងនឹងផលប៉ះពាល់នៃភាព ស្មុគស្មាញ និងអាចធ្វើឱ្យអ្នកកាត់បន្ថយការបាត់បង់សក់បានយ៉ាងប្រសើរបំផុត៕
ចុចទីនេះមើលប្រភពដើម www.mungkulkar.com សហការជាមួយនឹងដំណឹង
មតិយោបល់