ក្លិបអ្នកមានបុណ្យ Bacelona បានបង់ទឹកប្រាក់ចំនួន ១៣,៥ លានអឺរ៉ូ ទៅឲ្យអាជ្ញាធរពន្ធ នៅអេស្ប៉ាញទាក់ទងទៅនឹង ការុះហត្ថលេខ របស់កីឡាករ Neymar ។
ក្លិប Bacelona កាលពីសប្តាហ៍មុន បានរងការចោទប្រកាន់ ពីតុលាការកំពូលរបស់អេស្ប៉ាញ លើករណីលួចបន្លំ ពន្ធ ដែលទាកទងនឹងចំណាយ ផ្សេងគ្នា លើពន្ធ ក្នុងអំឡុងពេលចុះហត្ថលេខា ជាមួយនឹងកីឡាករសញ្ជាតិប្រេស៊ីល ដែលមកពីក្លិប Santos កាលពីរដូវកាលមុន ។
ទន្ទឹមជាមួយនឹងគ្នានេះដែរ ក្លិប Bacelona បានការពារសកម្មភាពរបស់ពួកគេ លើការផ្ទេរនេះ ដោយបានចេញសេចក្តីថ្លែងការណ៍កាលពីថ្ងៃចន្ទ កន្លងទៅ ។ ក្នុងនោះ ក្លិប Bacelona បានការបង់ពន្ធបង្គ្រប់ ចំនួន ១៣,៥ លានអឺរ៉ូ ទៅឲ្យខាងអាជ្ញាធរពន្ធ លើករណីផ្ទេរកីឡាករ Neymar នោះ។
ក្នុងសេចក្តីថ្លែងការណ៍ចុងក្រោយ ក្លិប អ្នកមានបុណ្យ Bacelona បានយល់ព្រម បង់ពន្ធបន្ថែម នុវចំនួនទឹកប្រាក់ខាងលើ ដោយការបង់ពន្ធនេះដែរ ដើម្បីលុបលាងនូវកំហុសឆ្គងដែលក្លិបបានធ្វើខុស ដោយជនមួយក្តាប់តូចតែប៉ុណ្ណោះ ។
កាលពីខែមុននេះដែរ លោក Sandro Rosell មេធំក្លិប Bacelona បានលាលែងពីតំណែង ក៏ដោយសារតែភាច្របូកច្របល់ លើករណី ហិរញ្ញវត្ថុ ។ ដោយក្នុងនោះ ខាងតុលាការ លោក
Pablo Ruz បានស្វែងរកឃើញថា Sandro Rosell ពិតជាបានក្លែងបន្លំចំនួនទឹកប្រាក់ លើការផ្ទេរកីឡាករសញ្ជាតិអេស្ប៉ាញនេះ ៕
មតិយោបល់