កីឡាករ Patrice Evra របស់បិសាចក្រហម បានបង្ហាញគោលជំហរដ៏តិចតួច ពី អនាគត់របស់គាត់ ដែលនឹងមកដល់នាពេលខាងមុខ ។
កីឡាករសញ្ជាតិបារាំង រូបនេះ ត្រូវាបានគេជឿជាក់ថា ជាក្រុមកីឡាករដែលត្រៀមខ្លួនទទួលយកបទពិសោធន៍ ដែលមាននៅរដូវកាលក្តៅនេះ។
និយាយអំពី Nemanja Vidic សារព័ត៌មាននានា ចុះផ្សាយឲ្យដឹងថា គាត់នឹងចាកចេញពីទឹកដី Old Trafford នៅពេលកុងត្រារបស់ខ្លួនផុតកំណត់ ហើយកីឡាករ Rio Ferdinand អាចនឹងចាកចេញទៅជាមួយនឹងគាត់ផងដែរ។ ក្នុងនោះ Patrice Evra មានករណីស្រដៀងគ្នាដែរ បន្ទាប់ពីបទ ពិសោធន៍ ៧ ឆ្នាំ នៅជាមួយនឹងបិសាចក្រហមនោះ។
ខាងក្លិប Inter Milan បានចេញសេចក្តីថ្លែងការណ៍ ឲ្យដឹងថា ខាងក្លិបខ្លួន និងបិសាចក្រហម កិច្ចព្រមព្រៀងឈានដល់ ៩០ ភាគរយ ។
Evra បានប្រាប់ដល់ RMC Sport ឲ្យដឹងថា ស្នេហារបស់ខ្ញុំ នឹងមិនផ្លាស់ប្តូរនោះទេ ជាមួយនឹងក្លិប ។ ខ្ញុំស្រលាញ់បិសាចក្រហម ក៏ប៉ុន្តែបើសិនក្តីស្នេហារបស់ខ្ញុំ បែកបាក់ជាមួយនឹងបិសាចក្រហម ខ្ញុំនឹងសិក្សា ពីលទ្ធភាពនោះ។
លោកបានបន្តទៀតថា អ្វីដែលខ្ញុំកំពុងគិតនោះ គឺក្លិបនាពេលបច្ចុប្បន្ន ។ នៅខែ ឧសភា ខ្ញុំនឹងមានអាយុ ៣៣ ឆ្នាំ ហើយខ្ញុំចង់បានភាពសប្បាយរីករាយមួយ បន្ទាប់ពី World Cup ។
ក្រៅពីនេះ កីឡាករសញ្ជាតិបារាំងរូបនេះ បានធ្វើការពិភាក្សា លើបញ្ហាដែលធ្វើឲ្យ បិសាចក្រហមធ្លាក់ទៅរកចំណុចអវិជ្ជមាន ក្រោមការដឹកនាំរបស់ David Moyes ដោយមិនអាចធ្វើឲ្យល្អដូចទៅនឹងជើងចាស់ Sir Alex Ferguson នោះ។
កីឡាករ Patrice Evra បានចូលមកលេងឲ្យក្លិប បិសាចក្រហម នៅខែ មករា ឆ្នាំ ២០០៦ ដោយ Sir Alex Ferguson ទិញពីក្លិប Monaco ៕
មតិយោបល់