ភ្នពេញ៖ នៅក្នុងសង្កថាកាលពីថ្ងៃទី ២៨ ខែកុម្ភៈ ឆ្នាំ ២០១៤ សម្តេចអគ្គមហាសេនាបតីតេជោ ហ៊ុន សែន បានអំពាវនាវឲ្យប្រជាជាតិទាំង មូលរួមគ្នា បញ្ចប់អាជីវកម្ម «ស៊ីសា» ដែលត្រូវបានរក ឃើញថាមានជាតិគ្រឿងញៀនកម្រិតខ្ពស់នោះ។
នៅក្នុងពិធីបិទសន្និបាតប្រចាំឆ្នាំរបស់ក្រសួងទេសចរណ៍ ក្នុងរាជធានីភ្នំពេញ សម្តេច តេជោនាយករដ្ឋមន្ត្រីមានប្រសាសន៍ថា «យើងត្រូវបិទក្រោលសេះ មុនពេលដែលសេះចេញ ផុត ឬក៏សេះដែលទើបនឹងចេញពីក្រោល យើងត្រូវចាប់ចូលក្រោលវិញ ព្រោះវាមិនទាន់យឺត ពេលពេកទេ យើងត្រូវធ្វើសកម្មភាពបន្ទាន់បំផុតអំពីបញ្ហាស៊ីសា»។សម្តេចតេជោថ្លែងថា ស៊ីសា មិនមាននៅក្នុងបម្រាមហាមឃាត់ទេ ប៉ុន្តែតាមការពិសោធន៍រួចហើយគឺវាមានជាតិគ្រឿង ញៀនកម្រិតខ្ពស់តែម្តង ដែលយើងត្រូវដោះស្រាយរួមគ្នាក្នុងកម្រិតជាតិរបស់យើង ព្រោះវា បានក្លាយជាប្រធានបទក្តៅគគុក ដែលត្រូវចាត់ការជាបន្ទាន់។
របាយការណ៍របស់អភិបាលរាជធានីភ្នំពេញបានបង្ហាញថា នៅក្នុងទីតាំងដែលជ្រក ក្រោមស្លាកខារ៉ាអូខេ និងមណ្ឌលកម្សាន្ត ២ កន្លែង អាជ្ញាធរបានរកឃើញយុវវ័យចំនួន ៩៦ នាក់អាយុក្រោម ១៨ ឆ្នាំ ដែលភាគច្រើនជាសិស្សសាលា ក្នុងនោះមាននារីចំនួន ៣៣ នាក់ត្រូវ បានយកទៅអប់រំ និងឲ្យឪពុកម្តាយ ឬអ្នកអាណាព្យាបាលជាអ្នកមកធានាកុំឲ្យមានសកម្មភាព ខុសឆ្គងដូច្នេះទៀត។
សម្តេចតេជោនាយករដ្ឋមន្ត្រីមានប្រសាសន៍ថា ខ្ញុំសូមអំពាវនាវដល់អាជ្ញាធរគ្រប់ទី កន្លែងទាំងអស់ត្រូវគ្រប់គ្រងឲ្យបានល្អបញ្ចប់អាជីវកម្មជក់ស៊ីសានេះ ។ យើងបញ្ចប់ការធ្វើ អាជីវកម្មស៊ីសា ហើយក្នុងករណីមិនរាងចាលថ្ងៃក្រោយយើងបិទទីតាំងតែម្តង។ ខ្ញុំសូមអំពាវ នាវដល់អ្នកធ្វើអាជីវកម្មស៊ីសា សូមបញ្ចប់ជាបន្ទាន់ សូមមេត្តាយោគយល់ទៅដល់សង្គមជាតិ របស់យើង សូមមេត្តាយោគយល់ដល់អនាគតរបស់កូនខ្មែរ សូមមេត្តាកុំចង់បានផលចំណេញ ហើយបង្កើតនូវទុក្ខសោកសម្រាប់យុវជន និងវ័យជំទង់របស់ខ្មែរ ។ សូមមាតាបិតា ឬអ្នក អាណាព្យាបាលជួយអប់រំកូនចៅ ដែលមានសាច់ញាតិរបស់យើងដែលបានជ្រុលជ្រួស ដោយ ត្រូវទាញពួកគេត្រឡប់មកវិញ ហើយយុវជនដែលជាអ្នកជក់ខ្លួនឯងក៏ត្រូវតែភ្ញាក់រលឹកថា ស៊ី សានេះជាប្រភេទគ្រឿងញៀន ដែលត្រូវតែបញ្ឈប់ខ្លួនឯងជាបន្ទាន់។
នៅក្នុងសុន្ទរកថា សម្តេចតេជោមានប្រសាន៍ថា ខ្ញុំសូមកោតសរសើរអំពីវឌ្ឍនភាព និង លទ្ធផលនៃការវាយតម្លៃដំណាក់កាលបឋម ព្រមទាំងកោតសរសើរ និងអបអរសាទរចំពោះ ក្រុងបាត់ដំបង ដែលបានពិន្ទុល្អឈានមុខគេ បន្ទាប់មកក្រុងសៀមរាប ក្រុងកែប និងក្រុង ពោធិ៍សាត់ និងស្នើឲ្យរដ្ឋបាលថ្នាក់ក្រោមជាតិ គ្រប់ក្រុង ខណ្ឌបេក្ខភាព បន្តខិតខំថែមទៀត អនុវត្តតាមសៀវភៅការងារ អនុវត្តកម្មវិធីការងារជាយុទ្ធសាស្ត្រ ដើម្បីឈានទៅទទួលជ័យ លាភីផ្ការំដួល ២ ឬ ៣ ទងនៅឆ្នាំ ២០១៥ ដើម្បីឲ្យគ្រប់ក្រុង ខណ្ឌទាំងអស់អាចទទួលជ័យ លាភី ជាទីក្រុងស្អាតទាំងអស់ ដែលធ្វើកម្ពុជាក្លាយជាគោលដៅទេសចរណ៍ប្រកបភាពទាក់ ទាញ និងផ្តល់ភាពកក់ក្តៅដល់ភ្ញៀវទេសចរ ស្របតាមពាក្យស្លោកអាស៊ាន «អាស៊ានៈមាន អារម្មណ៍កក់ក្តៅ» ដែលជាកត្តាគន្លឹះពន្លឿនការធ្វើសមាហរណកម្ម នៃវិស័យទេសចរណ៍ កម្ពុជាក្នុងសហគមន៍អាស៊ានប្រកបដោយប្រសិទ្ធភាពនោះ៕
ប្រភព៖ AKP
មតិយោបល់