ចិន៖អំឡុងពេលប៉ុន្មានថ្ងៃចុងក្រោយនេះមានភ្ញៀវទេសជាច្រើនបានសំរុកមកផ្សារទំនើប Tan Chew នៅក្នុងទីក្រុង ណានជីង ប្រទេសចិន ចាប់តាំងពីបានឃើញផ្លែប៉ោមយក្សដ៏ធំមួយឆ្លាក់រូបព្រះពុទ្ធធ្វើសមាធិ។ តាមប្រភពព័ត៌មានបរទេសនានាបានឲ្យដឹងថា ផ្លែប៉ោមយក្សនោះមានអង្កត់ផ្ចិត ២០ សង់ទីម៉ែត្រ និងទម្ងន់រហូតដល់ទៅ ១,២ គីឡូក្រាម។
កញ្ចប់នៃផ្លែប៉ោមយក្សនោះមានលាយជាមួយនឹងផ្លែប៉ោមធម្មតាផ្សេងៗទៀត ដែលមានតម្លៃរហូតដល់ទៅ ៦៨០០ យន់។ លើសពីនេះទៅទៀតផលិតផលទាំងនេះមាន ៦ ប្រភេទផ្សេងៗគ្នា ដែលមានទំហំជាមធ្យម ១២ សង់ទីម៉ែត្រ និងតម្លៃ ៨៨០០ យន់។
ដើម្បីរក្សាបាននូវផ្លែប៉ោមស្រស់ៗល្អ ផ្សារទំនើបមួយនេះបានកំណត់សីតុណ្ហភាពនៅត្រឹម ៥ អង្សាសេ នឹងបិទជិតមិនឲ្យមានវត្ថុអ្វីមកប៉ះពាល់វា។ បុគ្គលិកនៅផ្សារទំនើបនេះនិយាយថា បើទោះជាមានអតិថិជនច្រើនចង់ដឹង ចង់ឃើញផ្លែប៉ោមយក្សនេះក៏ដោយ ប៉ុន្តែគ្មាននណាម្នាក់ទិញឡើយ។ ព្រោះអតិថិជនមួយចំនួនយល់ឃើញថា ដើម្បីបានបរិភោគផ្លែប៉ោមយក្សនោះត្រូវចំណាយលុយអស់ច្រើន ហើយនៅមានការសង្ស័យចំពោះសុវត្ថិភាពរបស់ផ្លែប៉ោមនោះថែមទៀត៕
មតិយោបល់