ចិន៖មានសំនួរជាច្រើន បានសួរថាតើ iPhone 6 ពិតជាបំពាក់ដោយត្បូងកណ្តៀងមែនទេ ? បើសិនជាបំពាក់ដោយត្បូងកណ្តៀងមែន តម្លៃវានឹងកើនឡើង ១០០ ដុល្លារ លើតម្លៃទីផ្សារដែលដាក់ចេញ តើអ្នកប្រើប្រាស់យល់ព្រមអត់?
ឥឡូវនេះដែរសារព័ត៌មានបរទេស ផ្នែកបច្ចេកទេសនានា បានឲ្យដឹងថា ខណៈដែលអេក្រង់ iPhone 6 បំពាក់ដោយត្បូងកណ្តៀង ដូច្នេះ តម្លៃវានឹងកើនឡើង ១០០ ដុល្លារ ជាមួយនឹង ទំហំផ្ទុកចំនួន ៤ នោះគឺ ១៦ ជី ៣២ ជី ៦៤ ជី និង ១២៨ ជី ។
iPhone 6 ត្រូវបានគេរាយការណ៍ប៉ាន់ស្មានទៅលើតម្លៃ ឲ្យដឹងថា ទំហំ ១៦ ជី វាអាចនឹងមានតម្លៃ ៧៤៩ ដុល្លារ ៣២ ជី អាចនឹងតម្លៃ ៨៤៩ ដុល្លារ ៦៤ ជី អាចនឹងតម្លៃ ៩៤៩ ដុល្លារ និង ១២៨ ជី តម្លៃ ១០៤៩ ដុល្លារ ។ ក្នុងនោះបើសិនជាគិតជាលុយ យន់របស់ចិន ស្មើនិង ៤៦០០ យន់ ៥២១០ យន់ ៥៨៣០ យន់ និង ៦៤៥០ យន់ ។ ទន្ទឹមនេះដែរ តម្លៃ iPhone 6 នៅចក្រភពអង់គ្លេស ត្រូវបានគេរំពឹងថា នឹងមានតម្លៃ ៥៤៩ ផោន ៦២៩ ផោន ៧០៩ ផោន និង ៧៨៩ ផោន ។
តែទោះជាយ៉ាងណា សម្រាប់តម្លៃ និង បញ្ហាទាក់ទិននឹង អេក្រង់ទូរស័ព្ទ iPhone 6 នៅមិនទាន់មានតម្រុយព័ត៌មានណាមួយ ឲ្យច្បាស់នោះទេ៕
មតិយោបល់