ម៉ូស្គូ៖ ប្រទេសរុស្ស៊ីអាចនឹងកាត់បន្ថយសេដ្ឋកិច្ចដល់កម្រិតសូន្យជាមួយអាមេរិក ប្រសិនបើរដ្ឋាភិបាលទីក្រុងវ៉ាស៊ីនតោន បានយល់ព្រមដាក់ទណ្ឌកម្មដល់ទីក្រុងម៉ូស្គូលើបញ្ហាប្រទេសអ៊ុយក្រែន ព្រមទាំងបានព្រមានផងដែរថា ប្រព័ន្ធហិរញ្ញវត្ថុអាមេរិក ប្រឈមមុខនឹងភាព “គាំង” ប្រសិនបើរឿងនោះវាកើតឡើង។
“យើងរកឃើញនូវវិធីមួយមិនមែនគ្រាន់តែកាត់បន្ថយភាពអាស្រ័យទាក់ទងសេដ្ឋកិច្ចជាមួយអាមេរិកដល់កម្រិតសូន្យនោះទេ ប៉ុន្តែវានឹងធ្វើឲ្យអាមេរិកជួបបញ្ហាធំគឺថា រុស្ស៊ីអាចនឹងបញ្ឈប់ការ ប្រើប្រាស់ដុល្លារអាមេរិកសម្រាប់ប្រតិបត្តិអន្តរជាតិ“។ នេះបើយោងតាមសំដីរបស់ជំនួយការសេដ្ឋកិច្ច លោក Sergei Glazyev ថ្លែងពីវិមាន Kremlin ទីក្រុងម៉ូស្គូ។
លោកបានបញ្ជាក់បន្ថែមទៀតថា “អាមេរិកប៉ុនប៉ង់ដាក់ទណ្ឌកម្មមកលើប្រទេសរុស្ស៊ី ប៉ុន្តែរុស្ស៊ីក៏មិនបណ្ដោយឲ្យអាមេរិកសម្រេចគោលបំណងក្នុងការត្រួតត្រាពិភពលោកដោយប្រើប្រាស់នូវលុយដុល្លាររបស់ខ្លួនដែរ“៕
ប្រភព៖ AFP
មតិយោបល់