អ្នកយុទ្ធសាស្ត្រទីលាន ក្លិប Panathinaikos ត្រូវការជាចាំបាច់ដើម្បីទទួលបានការថែទាំងពីគ្រូពេទ្យ បន្ទាប់ពី ក្រុមអ្នកគាំទ្រ ក្លិប Olympiakos បានគប់ដបទឹក សុទ្ធ មកលើមុខរបស់គាត់នោះ។
ហេតុការណ៍នេះដែរបានកើតឡើងនៅ ទីក្រុង អាតែន ដែលជាការប្រកួតរវាង ក្លិប Olympiakos និង Panathinaikos ក្រុម ខណ្ឌ លីករបស់ក្រិក ។ ក្រោយហេតុការណ៍នេះមានក្រុមប៉ូលិស ជាច្រើនបានហ៊ុំព័ទ្ធការពារទៅលើ អ្នកចាត់ការទូទៅ Yannis Anastasiou របស់ក្លិប Panathinaikos ។ បន្ទាប់ពីទទួលបានការថែទាំពីគ្រូពេទ្យ លោក Yannis Anastasiou នៅតែបន្តដឹកនាំក្រុមខ្លួន វាយប្រហារម្ចាស់ផ្ទះ Olympiakos ដោយលទ្ធផល ៣-០ ។
តែរឿងរ៉ាវនៅលើទីលានដដែលនេះ វាបានកើតឡើង ម្តងទៀត ក៏ប៉ុន្តែជាករណី ដែលកើតចំពោះកីឡាករ Michael Olaitan ប្រយុទ្ធក្លិប Olympiakos រត់ៗ ស្រាប់តែដួលសន្លប់បាត់មាត់ឈឹង ។ រំពេចជាមួយនឹងគ្នានោះដែរ ខាងគ្រូពេទ្យ បាននាំយកឡាន ទៅដឹកជញ្ជូន កីឡាករវ័យ ២១ ឆ្នាំនេះ ដើម្បីបញ្ជូនទៅកាន់មន្ទីរពេទ្យ ជាបន្ទាន់ ៕
ទស្សនាការប្រកួត និងរឿងរ៉ាវ ដែលកើតឡើងដូចអត្ថន័យខាងលើ ៖
មតិយោបល់