ក្នុងបទសំភាស​ជាមួយនិង គេហទំព័រ Daily Mail តារាចម្រៀង Shakira បាន​​ចែកចាយនូវទំនុកចិត្តដ៏ជឿជាក់អំពីគ្រួសារបស់នាង ជាមួយនឹងខ្សែការពារក្លិប Barcelona លោក Gerard Pique ។​
តារាចម្រៀង​ដ៏មានប្រជាប្រិយភាព សញ្ជាតិកូឡ៊ុំប៊ី ដែលមានទ្រនំគ្រួសារដ៏រីករាយ និងកក់ក្តៅ ជាមួយនឹងខ្សែការពារ Gerard Pique និង​មានកូន​ប្រុស អាយុ ១៣ ខែ រួមគ្នា ដោយពួកគេបានដាក់ឈ្មោះឲ្យថា Milan Pique ។​

​ជួបជាមួយនឹង​ទំព័រ Daily Mail នាង Shakira បាននិយាយថា “ខ្ញុំមិនឲ្យកូនប្រុសរបស់ខ្ញុំ នៅតែមា្នក់ឯងនោះទេ ៨ ទៅ ៩ ឆ្នាំ ខ្ញុំនឹងយកកូនជាច្រើនទៀត ជាមួយនឹង Pique ដែលសមល្មមនឹង​អាច​កន្លះឈុត ឬ ពាក់កណ្តាលនៃក្រុម​របស់ Pique ” ។​នាង​បានបន្តថា កាលពីមុន​ខ្ញុំគិតថា ត្រូវការតែ ១ ទៅ ២ វាគ្រប់គ្រាន់ហើយ ​ព្រោះជីវិត​ការងារកំពុងរវល់ ប៉ុន្តែនៅពេលដែលមានកូន ទើបចង់បានកូនជាច្រើនទៀត និង​ចង់ក្លាយជា​អ្នកម្តាយ​ម្នាក់ដែលមានកូនច្រើន​ក្នុងទ្រនំគ្រួសារ ។​

បញ្ជាក់ផងដែរថា សម្រាប់នាង Shakira បានត្រៀមនឹងកំពុងចេញអាលប៊ុមថ្មី របស់ខ្លួន នៅថ្ងៃទី ២៥ ខែ មិនា ខាងមុខ នេះ ហើយពេលនេះក៏កំពុងរវល់ ធ្វើជាគណៈកម្មាធិការ នៅក្នុងកម្មវិធី The Voice ជាមួនឹង Adam Levine និង Usher ៕​