ភាគហ៊ុនរបស់ក្រុមហ៊ុនអាកាសចរណ៍ Malaysia Airlines បានធ្លាក់ចុះ ១០ភាគរយ នៅព្រឹកថ្ងៃចន្ទនេះ ដែលនេះជាការធ្លាក់ចុះមួយខ្ពស់ពុំធ្លាប់កើតមាននារយៈពេលប៉ុន្មានខែចុងក្រោយ។
យោងតាមការចុះផ្សាយរបស់ Channel News Asia បានឲ្យដឹងថា ក្រោយពេលដែលបាត់យន្ដហោះដឹកអ្នកដំណើរជាង ២៣៩នាក់មក នៅព្រឹកថ្ងៃចន្ទនេះ ភាគហ៊ុនរបស់ក្រុមហ៊ុន Malaysia Airlines បានធ្លាក់ចុះរហូតដល់ ១០ភាគរយ ដែលជាប្រផ្នូលមិនល្អសម្រាប់ក្រុមហ៊ុនអាកាសចរណ៍មួយនេះ។
គួរបញ្ជាក់ផងដែរថា យន្តហោះដឹកអ្នកដំណើរការ Flight MH370 របស់ក្រុមហ៊ុន Malaysia Airlines បានបាត់ពីប្រព័ន្ធរ៉ាដាកាលពីយប់ថ្ងៃសុក្រ ឈានចូលថ្ងៃសៅរ៍ សប្ដាហ៍មុន នៅចម្លោះប្រទេសម៉ាឡាស៊ី និងវៀតណាម ក្នុងជើងហោះហើរពីគូឡាឡាំពួទៅកាន់ប៉េកាំង ហើយមកដល់ពេលនេះ នៅមិនទាន់មានសេចក្ដីបញ្ជាក់ជាផ្លូវការណាមួយថា យន្តហោះនេះបានធ្លាក់នោះទេ ឬរកឃើញនោះទេ៕
មតិយោបល់