សរុបមកដល់ពេលនេះ អ្នកស្លាប់ដោយសារជំងឺផ្ដាសាយបក្សី H7N9 បានកើនឡើងដល់ ៧២នាក់ នៅក្នុងប្រទេសចិន ត្រឹមរយៈពេល ២ខែដំបូង ដើមឆ្នាំ ២០១៤។ នេះបើយោងតាមរបាយការណ៍របស់រដ្ឋាភិបាល។
នៅក្នុងរបាយការណ៍បានបង្ហាញថា នៅក្នុងខែកុម្ភៈ ចំនួនអ្នកស្លាប់ដោយសារជំងឺផ្ដាសាយបក្សី H7N9 មាន ៤១នាក់ កើតមាន ៩៩ករណី ហើយសរុបទាំងអស់ក្នុងឆ្នាំនេះ មាន ២២៦ករណី។
កាលពីចុងឆ្នាំ ២០១៣ មានសារព័ត៌មានចិនជាច្រើនបានចុះផ្សាយថា មេរោគនេះអាចឆ្លងពីមនុស្សទៅមនុស្សបាន ប៉ុន្តែអង្គការសុខភាពពិភពលោកបានបញ្ជាក់ថា ពុំទាន់មានភស្ដុតាងណាមួយបញ្ជាក់ថាមេរោគនេះអាចចម្លងពីមនុស្សទៅមនុស្សទេ។
គួរបញ្ជាក់ផងដែរថា កាលពីសប្ដាហ៍មុន ហុងកុងបានបញ្ជាក់ថា មានកើតករណីផ្ដាសាយបក្សី H7N9 ចំនួន ៦ករណី៕
មតិយោបល់