កុមារាអាយុ ១១ ឆ្នាំម្នាក់ទៀតដែលមានទីលំនៅក្នុងភូមិទឹកល្អក់ ឃុំទឹកហូត ស្រុករលាប្អៀរ ខេត្តកំពង់ឆ្នាំង ដែលត្រូវបានរកឃើញដោយវិទ្យាស្ថានប៉ាស្ទ័រកម្ពុជា នៅថ្ងៃទី ៦ ខែមីនាឆ្នាំ ២០១៤ ថាមានជំងឺផ្ដាសាយបក្សីH5N1នោះ បានស្លាប់បាត់បង់ជីវិតក្រោយ ពីបញ្ជូនមក មន្ទីរពេទ្យគន្ធបុប្ផា សម្រាកប៉ុន្មានម៉ោងនៅថ្ងៃដដែល។
ក្រសួងសុខាភិបាល និងអង្គការសុខភាពពិភពលោកបាននិយាយនៅក្នុងសេចក្តី ប្រកាសព័ត៌មានរួមកាលពីថ្ងៃទី ១១ ខែមីនា ឆ្នាំ ២០១៤ ថា នេះជាករណីទី ៧ និង ៨ ក្នុងឆ្នាំនេះ នឹងជាករណីទី ៥៤ និងទី ៥៥ ដែលឆ្លងវីរុសផ្ដាសាយបក្សី H5N1 នៅក្នុងប្រទេសកម្ពុជា ។ ៤៣ ករណីក្នុងចំណោមករណីផ្តាសាយបក្សីទាំង ៥៥ ដែលកើតមានឡើងក្នុងព្រះរាជាណាចក្រកម្ពុជាកើតលើកុមារក្រោមអាយុ ១៤ ឆ្នាំនិង ២៩ ករណីក្នុងចំណោមផ្ដាសាយបក្សីទាំង ៥៥ ជានារី ។ ជាបន្ថែមមាន ១៩ ករណីមានជីវិត ចាប់តាំងពីមានជំងឺ ផ្ដាសាយបក្សីលើកដំបូងនៅព្រះរាជាណាចក្រកម្ពុជាក្នុងឆ្នាំ២០០៥។
សេចក្តីប្រកាសព័ត៌មានរួមនោះនិយាយថា ជាករណីទី ៨ ដែលកុមារានេះបានចាប់ ផ្ដើមមានគ្រុនក្ដៅ និងឈឺក្បាលនៅថ្ងៃទី ៣ ខែមីនាឆ្នាំ ២០១៤ ហើយឪពុកម្ដាយស្វែងរកការ ព្យាបាលនៅគ្លីនិកឯកជនក្បែរផ្ទះនៅថ្ងៃដដែល និងថ្ងៃបន្ទាប់ (៤មីនា) ដោយស្ថានភាពសុខ ភាពរបស់កុមារាកាន់តែធ្ងន់ធ្ងរ កុមារានេះត្រូវបានដាក់ឲ្យសម្រាកព្យាបាលនៅមន្ទីរពេទ្យខេត្ត កំពង់ឆ្នាំងនៅថ្ងៃទី ៥ ខែមីនាឆ្នាំ ២០១៤ ដោយមានរោគសញ្ញាក្រុនក្ដៅ ក្អក និងដង្ហើម ហត់ ។ ដោយឡែកករណីទី ៧ ក៏បានកើតលើកុមារាម្នាក់ទៀតអាយុ ៨ ឆ្នាំ ដែលមានទីលំនៅក្នុងភូមិ ស្ពានដែក ឃុំព្រែកទម្លាប់ ស្រុកលើកដែក ខេត្តកណ្ដាល ត្រូវបានរកឃើញដោយវិទ្យាស្ថាន ប៉ាស្ទ័រកម្ពុជា នៅថ្ងៃទី ៦ ខែមីនា ឆ្នាំ ២០១៤ ថា មានជំងឺផ្ដាសាយបក្សីH5N1 ។ កុមារនេះត្រូវ បានដាក់ឲ្យសម្រាកនៅមន្ទីរពេទ្យគន្ធបុប្ផា។វត្ថុវិភាគត្រូវបានយកនៅថ្ងៃទី ៥ ខែមីនា និង ឱសថTamiflu ត្រូវបានផ្ដល់ឲ្យនៅថ្ងៃដដែល។កុមារាបានធូរស្បើយ៕
ប្រភព៖ AKP
មតិយោបល់