អេស្ប៉ាញ៖ក្លិប Barcelona កាលពីរាត្រីទៀបភ្លឺយប់មិញនេះដែរ បានញ្ចប់សេចក្តីសង្ឈឹមរបស់ Manchester City លូតដំណើរទៅមុខ ក្នុងក្របខណ្ឌ Champions League បន្ទាប់ឈ្នះក្នុងលទ្ធផល ២-១ នៅពហុកីឡដ្ឋាន Nou Camp ដោយបូកសរុបទាំងពីរជើងគឺ ក្នុងលទ្ធផល ៤-១ ។
កីឡការជើងខ្លាំងរបស់ក្លិបអេស្ប៉ាញ Lionel Messi បានជួយឲ្យម្ចាស់ផ្ទះនាំមុខ នៅនាទី ៦៧ ក្នុងតង់ទី ២ ។ នៅនាទី៧៨ កីឡាករ ZABALETA របស់ មេឃខៀវ បានទទួលកាតក្រហមបណ្តេញចេញពីទីលានប្រកួត ដែលធ្វើឲ្យក្លិបមួយនេះ ងាកងើរ ស្ទើរតែទប់ម្ចាស់ផ្ទះមិនបាន ។
តែទោះជាយ៉ាងណា កីឡាករ Kompany បានជួយឲ្យតាមស្មើ នៅនាទី ៨៩ ខណៈដែល Alves របស់ Bacelona ថែមមួយគ្រាប់ចុងក្រោយ ដែលជាគ្រាប់បាល់ឈ្នះ នៅនាទី ៩០+១ ។ដូចនេះមេឃខៀវ ត្រូវស្ពាយបង្វេច ចេញពីក្របខណ្ឌខាងលើ ដូចទៅនឹង Arsenal ផងដែរ។
សូមបញ្ជាក់ផងដែរថា នៅជើងទី ១ Barcelona បានធ្វើដំណើរទៅកាន់ពហុកីឡដ្ឋាន Etihad Stadium បានលុតម្ចាស់ផ្ទះមេឃខៀវ ២-០ ស្របពេលដែល ជើងទី ២ ឈ្នះ ២-១ នោះ ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់