អង់គ្លេស៖បន្ទាប់ពីមួយសប្តាហ៍ដែលទទួលរងរឿងដ៏អាម៉ាស ដោយសារតែការប្រកួតចាញ់ បានធ្វើឲ្យ David Moyes ទទួលរងនូវព័ត៌មានអាក្រក់ជាច្រើន ដែលអាចប្រឈមនឹងការចាកចេញពីបិសាចក្រហមនៅរដូវកាលនេះ ។
បិសាចក្រហម នៅថ្ងៃអាទិត្យស្អែកនេះដែរ នឹងវិលមកទទួលភ្ញៀវ ហង្សក្រហម Liverpool វេលាម៉ោង ៨ និង ៣០ នាទី ខណៈដែលការប្រកួតកាលពីថ្ងៃទី ៨ ខែ មិនា បានយកឈ្នះក្លិប West Brom នៅក្រៅទឹកដីដោយលទ្ធផល ៣-០ នោះ។
ការទទួលភ្ញៀវហង្សក្រហម លើកនេះ សង្ឈឹមថា ខ្លួនអាចនឹងឡើងកាំជណ្តើរ ទៅតោងតារាងលេខ ៤ ក្នុងក្របខណ្ឌ Premier League ។មុននៃការប្រកួតនេះដែរ David Moyes ក៏ទទួលបានព័ត៌មានល្អមួយ ទៅហើយ នោះគឺកីឡាករសញ្ជាតិព័រទុហ្គាល Nani ដែលរងរបួសសរសៃពួរ បានជាសះស្បើយ ដោយចូលរួមហ្វឹកហាត់ ដើម្បីទទួលភ្ញៀវហង្សក្រហមនៅថ្ងៃស្អែក។
ក្នុងនោះដែរ កីឡាករ Rafael, Javier Hernandez និង Jonny Evans ក៏វិលចូលទីលានវិញដូចគ្នា បន្ទាប់ទទួលការព្យាបាលដ៏យូរអង្វែង។ព័ត៌មាននេះដែរ ត្រូវបានគេជឿជាក់ថា នឹងអាចស្រោចស្រង់អ្វីៗដែលខ្លួនបាត់បង់ នៅលើទីលាន ១០០ ភាគរយនៅចុងសប្តាហ៍នេះ៕
មតិយោបល់