ភ្នំពេញ ៖ យុវជន ០៣នាក់របួសធ្ងន់ និងស្រាលក្នុងករណីគ្រោះថ្នាក់ ចរាចរណ៏មួយ ដែល បង្កឡើងដោយម៉ួតូនិងម៉ូតូ ។ គ្រោះថ្នាក់ ចរាចរណ៏នេះកើតឡើង នៅម៉ោង ៩និង៣០នាទី យប់ថ្ងៃ ទី១៦ មីនា ២០១៤ តាមបណ្តោយមហាវិថី សហពន្ធ័រុស្ស៊ី នៅមុខមជ្ឈមណ្ឌល កំសាន្តភ្នំពេញ វ៉តធ័រផាក ស្ថិតនៅ សង្កាត់ទឹកថ្លា ខណ្ឌសែនសុខ។
បើតាមអ្នកឆ្លើយឆ្លង ព័ត៌មានកោះសន្តិភាព បានឱ្យដឹងថា នៅមុនពេលកើតហេតុ គេឃើញយុវជនពីរនាក់ជិះម៉ូតូ គុបជ្រុង ពណ៌ទឹក ប៊ិច ពាក់ស្លាកលេខ ភ្នំពេញ 1V-2247 បើកបរតាមមហាវិថី សហពន្ធ័រុស្ស៊ី ក្នុងទិសដៅពីលិចទៅកើត (បញ្ច្រាស់ផ្លូវ) ស្រាប់តែមកដល់កន្លែង កើតហេតុ ក៏ត្រូវម៉ូតូសង់សេ១២៥ ពាក់ស្លាកលេខ ភ្នំពេញ 1C-3482 បើកដោយបុរស មិនស្គាល់អត្តសញ្ញាណម្នាក់ ធ្វើដំណើរលើមហាវិថី សហពន្ធ័រុស្ស៊ី ក្នុងទិសដៅពីកើតទៅលិច បុកចំពីមុខពេញ ទំហឹង បណ្តាលឱ្យអ្នកបើកបរ ម៉ូតូទាំង០២នាក់ រងរបួសធ្ងន់ និងអ្នកធ្វើដំណើរជាមួយ ម៉ួតូគុបជ្រុង រងរបួសស្រាល ។
ក្រោយពេលកើតហេតុ ជនរងគ្រោះត្រូវបានរថយន្តសាមុយ ដឹកយកទៅសង្គ្រោះ រីឯម៉ូតូទាំអ០២គ្រឿង ត្រូវបានសមត្ថកិច្ច យកទៅរក្សាទុកនៅអធិការដ្ឋាន ខណ្ឌសែនសុខរងចាំដោះស្រាយគ្នាតាមក្រោយ ។
មតិយោបល់