មន្ត្រីនគរបាលនៃស្នងការដ្ឋាននគរបាល ខេត្តព្រះសីហនុ ចំនួន៥១រូប ត្រូវបានទទួលការតែងតាំងមុខដំណែងបំពាក់ឋាន្តនរស័ក្តិ និងផ្ទេរភារកិច្ចចាប់ពីថ្នាក់ព្រឹទ្ឋបាលឯក ដល់ថ្នាក់ឧត្តមសេនីយ៏ត្រី ហើយមន្ត្រីនគរបាលបានប្រកាសផ្ទេរភារកិច្ចមានចំនួន៣រូប ថ្នាក់នាយការិយាល័យ២រូប និងថ្នាក់ផ្នែកមួយរូប តែងតាំងមុខដំណែងចំនួន៣៨រូប ក្នុងនោះថ្នាក់ស្នងការរង១រូប នាយរងការិយាល័យកណ្តាល១រូប នាយការិយាល័យ៣រូប នាយរងការិយាល័យ៤រូប នាយផ្នែក៩រូប នាយរងផ្នែក១៧រូប នាយប៉ុស្តិ៏២រូប និងនាយរងប៉ុស្តិ៏១រូប ។ បំពាក់ឋាន្តនរស័ក្តិចំនួន២៣រូប ថ្នាក់ឧត្តមសេនីយ៏ត្រីចំនួន៣រូប ថ្នាក់វរៈសេនីយ៏ឯកចំនួន១រូប ថ្នាក់វរៈសេនីយ៏ទោចំនួន១រូប ថ្នាក់វរៈសេនីយ៏ត្រី៥រូប ថ្នាក់អនុសេនីយ៏ឯក៣រូប ថ្នាក់អនុសេនីយ៏ទោ៤រូប ថ្នាក់អនុសេនីយ៏ត្រីចំនួន៥រូប និងថ្នាក់ព្រឹទ្ឋបាលឯកចំនួន១រូប ។
ពិធីនេះប្រព្រឹត្តិទៅនៅស្នងការដ្ឋាននគរបាលខេត្តព្រះសីហនុ កាលព្រឹកថ្ងៃទី ១៥ ខែ មិនា ឆ្នាំ ២០១៤ ក្រោមអធិបតីភាពឯកឧត្តមនាយឧត្តមសេនីយ៏ ចាន់ អ៊ាន អគ្គស្នងការរង និងជាតំណាងឯកឧត្តមនាយឧត្តមសេនីយ៏ នេង សាវឿន អគ្គស្នងការនគរបាលជាតិ និងឯកឧត្តម ប្រាក់ ស៊ីហារ៉ា អភិបាលនៃគណៈអភិបាលខេត្តព្រះសីហនុ ។ ហើយក្នុងឱកាសនេះគណៈអធិបតី បានថ្លែងការកោតសរសើរចំពោះមន្ត្រីនគរបាល គ្រប់ការិយាល័យជំនាញដែលបានខិតខំបំពេញភារកិច្ចកន្លងមក ដើម្បីបង្ក្រាបបទល្មើសផ្សេងៗ ក៏ដូចជារួមចំណែកក្នុងការពង្រឹង ការអនុវត្តន៏ច្បាប់ ឯកឧត្តម គណៈអធិបតីបានជំរុញអោយមន្ត្រីនគរបាលជាតិទាំងអស់ ធ្វើសកម្មភាពទប់ស្កាត់បង្ក្រាបបទល្មើសគ្រប់ផ្នែក ពិសេសពង្រឹងចលនា អនុវត្តន៏គោលនយោបាយភូមិឃុំមានសុវត្ថិភាព និងបានផ្តាំផ្ញើរអោយកម្លាំងនគរបាលគ្រប់ផ្នែកពាក់ព័ន្ឋចូលរួមសហការការពារសន្តិសុខ សុវត្ថិភាព ជូនប្រជាពលរដ្ឋអោយបានល្អ៕
មតិយោបល់