ភ្នំពេញ ៖ បុរស២នាក់ជិះម៉ូតូម៉ាកស្មាស់មួយគ្រឿងចេញពីសាលាសង្កាត់ឫស្សីកែវក៏ត្រូវ ម៉ូតូម៉ាកនិកជិះដោយបុរសម្នាក់ទិសដៅស្របគ្នាបុកចំពេញទំហឹង បណ្ដាលអោយរងរបួសធ្ងន់ទាំង៣នាក់ ដែលហេតុការណ៍នេះបានកើតឡើងកាលវេលាម៉ោង១និង១៥នាទីយប់ឈានចូលថ្ងៃទី១៨ខែមីនាឆ្នាំ២០១៤ ត្រង់ចំណុចមុខសាលាសង្កាត់ឬស្សីកែវ ស្ថិតក្នុងសង្កាត់ឬស្សីកែវ ខណ្ឌឬស្សីកែវ ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញយុវជន២នាក់ជិះម៉ូតូម៉ាកស៊ុយស៊ូគីស្មាស់មួយគ្រឿង ពណ៌ខ្មៅ ពាក់ស្លាកលេខ ភ្នំពេញ 1AH-0344 ជិះចេញ ពីមុខសាលាសង្កាត់ឬស្សីកែវ តាមបណ្តោយផ្លូវជាតិលេខ៥ ក្នុងទិសដៅពីកើតទៅលិច បានប្រហែល ១០ម៉ែត្រ ក៏មានយុវជនម្នាក់ជិះម៉ូតូម៉ាកនិច ពាក់ស្លាកលេខ ភ្នំពេញ 1BL-6212 ជិះស្របទិសគ្នា ក៏បុកគ្នាពេញទំហឹងតែម្តង បណ្តាលឱ្យយុវជន០៣នាក់របួសធ្ងន់។
បន្ទាប់ពីកើតហេតុ អ្នកជិះម៉ូតូស្មាស់ ត្រូវសាច់ញាតិដឹកទៅសង្គ្រោះដោយខ្លួនឯង ឯភាគីម្ខាងម៉ូតូនិច ត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យឯកជន ។ ក្រោយពេលកើតហេតុសមត្ថកិច្ចបានយកម៉ូតូទាំង២គ្រឿង ទៅរក្សាទុកនៅប៉ុស្ត៍នគរបាលឬស្សីកែវដើម្បីរង់ចាំធ្វើដោះស្រាយ៕
មតិយោបល់