ភ្នំពេញ ៖ ស្ត្រីអនាថាម្នាក់បានដេកស្លាប់នៅចិញ្ចើមផ្លូវធ្វើឲ្យមានការភ្ញាក់ផ្អើលមួយបានកើតឡើងទាំងយប់កាលពីវេលាម៉ោង ៩និង៣០នាទីថ្ងៃ ទី១៧ មីនា២០១៤ នៅចំណុច ផ្លូវ៥១ កែងផ្លូវលេខ១២៤ ស្ថិតនៅសង្កាត់ បឹងរាំង ខណ្ឌដូនពេញ ។
តាមប្រភពព័ត៌មានពីសមត្ថកិច្ចមូលដ្ឋានបានឱ្យដឹងថាមុនពេលគេដឹងថាស្ត្រីនេះក៏ស្លាប់គឺមានសន្តិសុខ ម្នាក់គាត់បានយកសំរាមមកចោលនៅក្បែរកន្លែងនោះក៏ប្រទះ ឃើញស្ត្រីនោះដេក ហើយគាត់ក៏បានដើរទៅសួរក៏ប៉ុន្តែរស្ត្រីនោះបានស្លាប់ បាត់ទៅហើយ ។ ភ្លាមនោះគាត់ក៏បានរាយការណ៏ទៅកាន់សមត្ថកិច្ចឲ្យចុះមកត្រួតពិនិត្យទើបដឹងថាស្ត្រីនោះពិតជាស្លាប់មែន។
ចំពោះសពស្ត្រីដែលដេកស្លាប់ខាងលើនេះ ត្រូវបានគេស្គាល់ថា ឈ្មោះយាយវិត អាយុ ៤៥ ឆ្នាំ ជាជនអនាថាហើយមុខរបរ អ្នករើសអេតចាយ មូលហេតុនៃការស្លាប់ មិនដឹងមកពីអ្វីទេ ប្រហែលជាមកពីខ្យល់គរឬក៏ជំងឺប្រចាំកាយ ក៏ថាបាន ។
បន្ទាប់ពីមានការភ្ញាក់ផ្អើល សមត្ថកិច្ចក៏បានចុះទៅធ្វើកោសល្យវិច័យហើយក៏ព្យាយាមទំនាក់ទំនង់ទៅរកក្រុមគ្រួរសាឲ្យមកទទួលយកសពស្ត្រីខាងលើនេះយកទៅធ្វើបុណ្យតាមប្រពីណីផងដែរ។
មតិយោបល់