តាមប្រភពព័ត៌មានបានឲ្យដឹងថាបុរសវ័យក្មេងម្នាក់មានឈ្មោះ Yang Ha វ័យ ២៧ ឆ្នាំជនជាតិចិន បានដុះសាច់ដុំទម្ងន់ ១៣ គីឡូក្រាមនៅលើខ្នង។ ប៉ុន្តែពេលនេះគាត់បានបំបាត់ជីវិតដ៏អាក្រក់នេះ បន្ទាប់ពីការវះកាត់យកសាច់ដ៏ធំនេះចេញ។ អស់រយៈពេល ១០ ឆ្នាំមកហើយដែលលោកបានកើតសាច់ដុំដ៏ធំនៅលើខ្នងនេះ ដែលវាបានអភិវឌ្ឍន៍យ៉ាងឆាប់រហ័ស នៅពេលដែលគាត់មានវ័យ ២០ ឆ្នាំ។ ដោយសារតែសាចង់ដុំចេះតែធំទៅៗ លោក Yang ត្រូវបង្ខំចិត្តឈប់ពីការងាររបស់ខ្លួនទៅស្នាក់នៅផ្ទះ សូម្បីតែពេលគេងក៏ពិបាកដែរ។ សំណាងល្អដែលអ្នកភូមិពីរពាន់នាក់បានផ្តល់ប្រាក់ ចំនួន ១០ ពាន់យន់ ឲ្យគ្រួសារគាត់ខ្ចី ដើម្បីធ្វើការវះកាត់នៅមន្ទីរពេទ្យមួយនៃខេត្ត Shaanxi ។ បន្ទាប់ពីធ្វើការវះកាត់អស់រយៈពេល ៩ ម៉ោង គ្រូពេទ្យបានយកសាច់ដុំដ៏ច្រើនចេញពីខ្នងរបស់គាត់ ប៉ុន្តែនៅមានតិចតូចទៀតដែលនៅកញ្ចឹងករបស់គាត់។ លោកវេជ្ជបណ្ឌិត Yang Li ដែលបានធ្វើការអនុវត្តនៃការវះដោយផ្ទាល់និយាយថា សាច់ដុំនេះតោងជាប់ឆ្អឹងខ្នង និងប៉ះពាល់ដល់សសៃឈាមដូច្នេះការវះកាត់នេះត្រូវបានចាត់ទុកថាជាការលំបាក។
នៅក្នុងការវះកាត់នេះអ្នកជំងឺត្រូវបានគេបញ្ចូលឈាម ២០.០០០ មីលីលីត្រដើម្បីទ្រង់ទ្រង់ជីវិត ទីបំផុតលោក Yang ជៀសផុតពីគ្រោះថ្នាក់ និងលែងមានអារម្មណ៍ឈឺចាប់ដូចពីមុនទៀត៕
មតិយោបល់