ប៉ូលិសនីហ្សេរីយ៉ាងបានឲ្យដឹងថា ស្ត្រីម្នាក់ត្រូវបានចាប់ខ្លួន និងចោទប្រកាន់ពីបទគំរាមកំហែង បន្ទាប់ពីនាងបានសំដែងជាការចាប់ជំរិតខ្លួនឯង ដើម្បីចាប់ជំរិតយកលុយពីស្វាមីរបស់ខ្លួន។ ប៉ុន្តែនាង Grace Obi និង បុរសបីនាក់ផ្សេងទៀត ដែលផ្សំគំនិតជាមួយនាងត្រូវបានចាប់ខ្លួនទាំងអស់។ ឧបទ្ទេវហេតុនេះកើតឡើងនៅពេលដែល Jude Obi បានរាយការណ៍ប្រាប់ប៉ូលិសថា ប្រពន្ធរបស់គាត់ត្រូវបានចាប់ជំរិតដោយបុរសច្រើននាក់នៅពេលដែលធ្វើដំណើរតាមផ្លូវ។ ប៉ុន្តែប្តីរបស់គាត់មិនបានដឹងថាមេក្លោងនៅពីក្រោយខ្នងជាប្រពន្ធរបស់ខ្លួនឡើយ។
ក្រោយពីបានទទួលពាក្យបណ្តឹងភ្លាម ប៉ូលិសបានចាប់ផ្តើមធ្វើការស៊ើបអង្កេត ទៅលើការចាប់ជំរិតទារប្រាក់ដែលមានតម្លៃ ៩,១០០ ដុល្លារជាថ្នូរនឹងការដោះលែងភរិយាមកវិញ។ ប្តីរបស់ខ្លួនក៏បានសម្រេចចិត្តប្រគល់ប្រាក់ឲ្យទៅក្រុមចាប់ជំរិត ហើយដោះលែងប្រពន្ធរបស់ខ្លួនមកវិញ។ ទោះជាយ៉ាងណាក៏ដោយស្ត្រីម្នាក់នេះត្រូវបានប៉ូលិសសង្ស័យ បន្ទាប់ពីរកឃើញប្រាក់មួយចំនួននៅក្នុងរថយន្តរបស់នាង។ ប៉ូសិសក៏បានចាប់ខ្លួនរបស់នាង ព្រមទាំងបុរសប៉ុន្មាននាក់ទៀតដែលបានចូលរួមក្នុងការចាប់ជំរិតនេះ។ ចុងក្រោយជនសង្ស័យបានសារភាពប្រាប់ប៉ូលិសថា ពួកគេបានអនុវត្តការចាប់ជំរិតនេះ ដើម្បីទារប្រាក់ពីប្តីរបស់ខ្លួនតែប៉ុណ្ណោះ តែគ្មានបំណងផ្សេងទេ៕
ព័ត៌មានជាតិ
មតិយោបល់