ក្រសួងសុខាភិបាល បាននិយាយកាលពីដើមខែមីនានេះថា ក្រសួងនឹងចាត់វិធានការតឹងរ៉ឹងតាមផ្លូវច្បាប់ ចំពោះឱសថស្ថាន ឱសថស្ថានរងទាំងឡាយណា ដែលនៅតែបន្តការតាំងលក់នូវឱសថនាំចូលខុសច្បាប់ចំនួន ១២មុខ ដែលបាននឹងកំពុងតែធ្វើចរាចរ លើទីផ្សារ នានាក្នុងប្រទេសកម្ពុជានោះ។
យោងលិខិតចុះថ្ងៃទី ២៥ ខែកុម្ភៈ ឆ្នាំ ២០១៤ របស់ ក្រុមហ៊ុនព្រេមៀ មេឌីខល(Premuer Medical Co.,Ltd) និងដោយ ពិនិត្យឃើញនៅលើទីផ្សារ កម្ពុជាបច្ចុប្បន្នកំពុងចរាចរនូវឱសថខុសច្បាប់ចំនួន ១២ មុខរបស់រោងចក្រផលិតឱសថ Seng Thai Company Limited Partnership ដែលមានអត្តសញ្ញាណ ការវេចខ្ចប់ របៀប បង្ហាញ និងសម្បកប្រអប់ដូចគ្នាបេះបិទនឹងឱសថស្របច្បាប់ ដែលបាននាំចូលដោយ ព្រេមៀ មេឌីខល តែពុំមានបិទលតប័ត្រ និងគ្មានលេខបញ្ជិកាទេ ដែលឱសថទាំង ១២ មុខ នោះរួមមាន៖1-Chlor-Oph Eye Drops លេខបញ្ជិកា CAM N03671-13 , 2- Chlor-Oph Ointment លេខបញ្ជិកា CAM R16266IP-09 , 3-Inf-Oph Eye Drops លេខបញ្ជិកា CAM R1 5018IP-08 , 4-Dex-Oph Eye-Ear Drops លេខបញ្ជិកា CAM R15015IP-08 , 5-Lac-Oph Eye Drops លេខបញ្ជិកា CAM R15017IP-08 , 6-Pred-Oph Eye-Ear Drops លេខបញ្ជិកា CAM R16270IP-09 , 7- Genta-Oph Eye Drops លេខបញ្ជិកា CAM R1 5019IP-08 , 8-Glauco-Oph Eye Drops លេខបញ្ជិកា CAM R16265IP-09 , 9-Hista-Oph Eye Drops លេខបញ្ជិកា CAM R16264IP-09 , 10-Poly- Oph Eye Drops លេខបញ្ជិកា CAM R16267IP-09 , 11-Flu-Oph Eye Drops លេខបញ្ជិកា CAM R16268-09 , 12-CD-Oph Eye Dyops លេខបញ្ជិកា CAM NO3591IP-13។
ក្រសួងសុខាភិបាលបានសង្កត់ធ្ងន់ថា គ្រឹះស្ថាននាំចូលឱសថក្នុងស្រុក ដែលធ្វើប្រតិបត្តិការនាំចូល ឬចែកចាយឱសថខាងលើ ត្រូវចាត់តាំងការប្រមូលឱសថទាំងនោះ ពីឱសថស្ថាន ឱសថស្ថានរងនានា ក្នុងព្រះរាជា ណាចក្រកម្ពុជា គ្រឹះស្ថានលក់ឱសថទាំងអស់ ត្រូវបញ្ឈប់ការតាំងលក់ឱសថខាងលើចាប់ ពីថ្ងៃចេញសេចក្តីជូនដំណឹងនេះ ហើយគ្រប់មន្ទីរសុខាភិបាល រាជធានី ខេត្តត្រូវមានវិធាន ការធ្វើការណែនាំដល់គ្រប់សាខាគ្រឹះស្ថាននាំចូលឱសថ ឱសថស្ថាន ឱសថស្ថានរងទាំង អស់នោះជាបន្ទាន់បំផុត៕
មតិយោបល់