បើយោងតាមរបាយការណ៍ចាប់ឆ្នោត ប៉ុន្មានម៉ោងមុននេះ ដែលស្តីអំពីការផ្គូរផ្គង់ គូប្រកួត នៅក្នុងក្របខណ្ឌ Champions League ក្នុងវគ្គ ៨ ក្រុមចុងក្រោយ ដោយក្នុងនោះក្លិបអ្នកមានបុណ្យ Bacelona ត្រូវទទួលភ្ញៀវ Atletico Madrid ដែលត្រូវបានគេសន្មត់ថា ជាសំណាងរបស់អ្នកមានបុណ្យ Bacelona ដែលធ្វើឡើងនៅលើទឹកដីរបស់ខ្លួន។
ជាមួយនឹងគ្នានេះដែរ ក្លិប Real Madrid ត្រូវទទួលភ្ញៀវ Dortmund លើទឹកដីរបស់ខ្លួនដូចគ្នា ដោយគេជឿជាក់ថា ក្លិប Dortmund នឹងស្ពាយបង្វេចដើរចេញពីវគ្គ ៨ ក្រុមចុងក្រោយនេះ ជាការសងសឹកកាលពីរដូវកាលកន្លងទៅ។
តែអ្វីដែលគួរឲ្យសោកស្តាយ និងក្រៀមក្រំបំផុត ខណៈដែល បិសាចក្រហម ត្រូវជួបជាមួយនឹងម្ចាស់ជើងឯក ពានរង្វាន់ Champions League ក្លិប Bayern Munich ដែលជាក្រុមលេខ ១ នៅឆ្នាំនេះ ។ បើសិនជាក្លិប បិសាចក្រហម អាចទទួលភ្ញៀវ Bayern Munich ដូចអ្វីដែលខ្លួនធ្វើបានយ៉ាងល្អ ខណៈដែលជួប Olympiacos នៅជើងចុងក្រោយ ជាក់ណាស់ ក្លិបនេះ នឹងមានសង្ឈឹមឆ្ពោះដំណើរទៅមុខ បន្តទៀត ។
ដោយឡែកតោខៀវ Chelsea នឹងត្រូវធ្វើដំណើរទៅកាន់ទឹកដីបារាំង PSG ដែលក្រុមមានបំផុតនៅពេលបច្ចុប្បន្ននេះ ។
សម្រាប់ជើងទី ១ ក្នុងការប្រកួតក្របខណ្ឌខាងលើ នឹងធ្វើឡើងនៅថ្ងៃទី ១ និង ទី ២ ខែ មេសាខាងមុខនេះ និងជើងទី ២ ធ្វើឡើងនៅថ្ងៃទី 9 និងទី ១០ ខែ មេសា ៕
មតិយោបល់