ភ្នំពេញ៖ យុវជនម្នាក់ស្រវឹងស្រាជោគជិះម៉ូតូម៉ាកឃ្លីកមួយគ្រឿងក្នុងល្បឿនលឿនជ្រុលបុកជាមួយរ៉ឺម៉កកង់ពីក្រោយ កាលពីវេលាម៉ោង២២និង៣០នាទីយប់ថ្ងៃទី២០ ខែមិនា ឆ្នាំ២០១៤ តាមបណ្តោយផ្លូវប៉េតុង ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញ បុរសម្នាក់ជិះម៉ូតូរ៉ឺម៉កកង់បី មួយគ្រឿងតាមបណ្ដោយផ្លូវបេតុងក្នុងទិសដៅពីត្បូងទៅជើងលុះមកដល់ចំណុចកើតហេតុស្រាប់តែមានយុវជនម្នាក់ស្រវឹងស្រាជោគជិះម៉ូតូម៉ាកឃ្លីក ពណ៌ស លាយក្រហម ពាក់ស្លាកលេខតាកែវ 1H-7793 ធ្វើដំណើរស្របទិសគ្នាបានជ្រុលបុករ៉ឺម៉កកង់បីពីក្រោយពេញទំហឹងបណ្ដាលឲ្យរងការខូចខាតយ៉ាងដំណំចំណែករ៉ឺម៉កបានជ្រុលបុកបង្គោលខ្សែភ្លើងបណ្ដាលឲ្យបាក់អស់មួយដើមទៅមុខលេងរូច។
ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុនិងសម្របសម្រួលដោយឲ្យភាគីខាងម៉ូតូចេញថ្លៃខូចខាតទៅខាងម្ចាស់រ៉ឺម៉កកង់បី១៥ដុល្លារដើម្បីបញ្ចប់រឿង៕
មតិយោបល់