រឿងមួយដ៏ប្រសើរបំផុតក្នុងការរៀបអាពាហ៍ពិពាហ៍ គឺតម្រូវឲ្យមនុស្សពីរនាក់ផ្តល់នូវសេចក្តីសុខដល់គ្នាទៅវិញទៅមក។ សម្រាប់នារីៗវិញ ហាក់បីដូចជាមានក្តីសុខមែនទែនព្រោះពួកគេគិតថា អាចបញ្ចេញមតិគ្រប់យ៉ាងជាមួយនឹងដៃគូរបស់ខ្លួន។ ជួនកាលការនិយាយបប៉ាច់បប៉ោច ដោយមិនបានគិតអាចធ្វើឲ្យប៉ះពាល់ដល់ទំនាក់ទំនងស្នេហារបស់ពួកគេ។ នេះជាពាក្យសម្តីអាក្រក់ៗមួយចំនួនដែលអ្នកមិនគួរនិយាយទៅកាន់ដៃគូរបស់អ្នក៖
១. ការកុហុកទាំងខ្លួនឯងមិនពេញចិត្ត
វាមិនមែនជាគំនិតល្អទេក្នុងការដែលកុហកដៃគូរបស់អ្នក ជាពិសេសនោះនៅពេលវាជាការពេញចិត្តខាងផ្លូវភេទ ឬភាពស្និទ្ធស្នាលខាងផ្លូវភេទ។ ប្រសិនបើអ្នកគិតថាការលាក់ពុតធ្វើជាពេញចិត្តនឹងការរួមភេទអាចនឹងបង្វែដៃគូរបស់អ្នកពីការតូចចិត្តបាន ការគិតរបស់អ្នកដូចនេះពិតជាខុសទាំងស្រុង។ បញ្ហាការពិតនោះគឺការធ្វើដូចនេះអាចធ្វើឲ្យដៃគូរបស់អ្នកត្រូវឃ្លាតចាកឆ្ងាយពីអ្នកបាន។ នៅពេលដៃគូរបស់អ្នកសួរអ្នកប្រសិនបើអ្នកមានចំណុចកំពូល នោះចង់បង្ហាញថាដៃគូរបស់អ្នកប្រាកដជាមានអារម្មណ៍ថាមានអ្វីមួយខុសឆ្គងហើយ។ ដោយបានដឹងពីការកុហករបស់អ្នកហើយ ដៃគូរបស់អ្នកប្រហែលជាមានអារម្មណ៏ថាអ្នកមិនបានពេញចិត្តនឹងការធ្វើវាម្តងទៀតនោះទេ។ ការពិតដែលគួរឲ្យសរសើរនោះគឺដៃគូរបស់អ្នកបារម្ភពីអារម្មណ៍របស់អ្នក។ ហើយក្នុងកំឡុងពេលការសន្ទនាជាមួយគ្នា ត្រូវនិយាយពីរឿងរ៉ាវណាដែលធ្វើឲ្យអ្នកទាំងពីរមានអនុស្សាវរីយ៍រីករាយជាមួយគ្នា។
២. អ្នកពិតជាដូចប៉ារបស់អ្នកណាស់
អ្នកគួរតែដាច់ខាតជៀសវាងការប្រៀបធៀបដៃគូរបស់អ្នកនឹងប៉ារបស់គេឲ្យសោះ ជាពិសេសប្រសិនបើអ្នកមានបំណងចង់រិះគន់ដល់គេពីព្រោះនេះគឺជាការនិយាយមើលងាយនិងជាពាក្យដែលអាក្រក់ស្តាប់ជាទីបំផុត។ ប្រសិនបើដៃគូរបស់អ្នកមានរឿងផ្សេងទៀតដែលអ្នកចង់ឲ្យគេធ្វើបន្ត កុំព្យាយាមមើលងាយគេឲ្យសោះ តែត្រូវជំនួសដោយសំណើរដែលសមហេតុផលនិងគួរសម។ ត្រូវតែគិតពីវិធីសាស្ត្រដែលសមរម្យដើម្បីធ្វើឲ្យគេបានយល់ពីអ្វីដែលចង់និយាយដោយមិនធ្វើឲ្យគេខូចអារម្មណ៍ និងមោទនភាពរបស់គេ។
៣. តើអ្នកនឹងទទួលបានការងារថ្មីនៅពេលឆាប់ៗនេះមែនទេ?
ប្រសិនបើអ្នកចង់ឲ្យដៃគូរបស់អ្នកទទួលបានការងារថ្មី អ្នកត្រូវតែមានហេតុផលពិសេសមួយ។ នេះអាចប្រហែលបណ្តាលមកពីការងារបច្ចុប្បន្នរបស់គាត់ទាមទារពេលវេលាច្រើន ឬក៏ប្រាក់ខែរបស់គាត់មិនគ្រប់គ្រាន់សម្រាប់ចិញ្ចឹមគ្រួសារ។ និយាយឲ្យខ្លី អ្នកដែលជាអ្នកមានបញ្ហាសម្រាប់ការងាររបស់គាត់។ ត្រូវមានការប្រុងប្រយ័ត្នក្នុងការនិយាយប្រាប់ដៃគូរបស់អ្នកអំពីសមត្ថភាពរបស់គេទៅឲ្យគ្រួសាររបស់អ្នកបានដឹង។ អ្វីដែលអ្នកបានធ្វើទាំងអស់នេះ គឺធ្វើឲ្យគេមានការឈឺចាប់ និងបាត់បង់ទំនុកទុកចិត្តលើខ្លួនឯង។ អ្វីដែលអ្នកគួរតែផ្តោតទៅលើច្រើនជាងនេះនោះ គឺអ្នកទាំងពីរអាចធ្វើការកែប្រែក្នុងជីវភាពរបស់អ្នក ដើម្បីជៀសផុតពីបញ្ហាហិរញ្ញវត្ថុ។ អ្វីដែលសំខាន់នោះគឺអ្នកមិនត្រូវដាក់កំហុសទៅលើដៃគូរបស់អ្នកទាំងស្រុងនោះទេ តែជំនួសដោយការបង្ហាញនូវការគាំទ្រទៅលើការសម្រេចចិត្ត ឬមុខរបរអ្វីក៏ដោយដែលដៃគូរបស់អ្នកគួរតែធ្វើ៕
មតិយោបល់