ប្រភពព័ត៌មាន Skysport បានចុះផ្សាយ​ កាលពីល្ងាចថ្ងៃទី ២៥ ខែ មិនា នេះ​ថា ប្រធានជាន់ខ្ពស់របស់ក្លិប Inter Milan លោក Erick Thohir បាន​អះអាងថាគាត់កំពុងចាប់អារម្មណ៍ ក្នុងការល្បួង កីឡាករខ្សែការពាររបស់ក្លិបកាំភ្លើងធំ Bacary Sagna ។​

កីឡាករ​វ័យ ៣១ ឆ្នាំ រូបនេះ លេង​​ជាខ្សែការពារ​ផ្នែកខាងស្តាំ ដោយ​ផុតពីការកុងត្រា​ជាមួយនឹង ពហុកីឡដ្ឋាន Emirates នារដូវកាលក្តៅនេះ ។​ជាមួយនឹងគ្នានេះដែរ ក្លិប Inter Milan បានដិតអារម្មណ៍ ដោយ​ល្បួងកីឡាករ Bacary Sagna តាំងពីខែ មករា​ មកម្លេះ​។​
ឥឡូវនេះដែរ លោក Erick Thohir បាន​បង្ហើបថា ពួកគេកំពុងតែរងចាំនូវដំណឹង ពី Sagna ដែលនឹងត្រូវ​ផ្ទេរមកកាន់ San Siro ។​
និយាយទៅកាន់ La Gazzetta dello Sport លោក លោក Erick Thohir បានឲ្យដឹងថា “ខ្ញុំមិនចាំបាច់ប្រកាសអ្វីនោះទេ បើសិនជា ការ​កុងត្រា​មិនមាននោះ” ។​ លោក​បានបន្តថា នៅចំណុចនេះ យើងគឺរងចាំ ដោយការ​សម្រេចចិត្តថា មកឬមិនមក គឺអាស្រ័យលើគាត់​។​

តែ​ទោះជាយ៉ាងណា កីឡាករ Bacary Sagna នៅតែមានលទ្ធភាព ក្នុងការពិភាក្សា​ទិញដូរ នៅក្នុងក្របខណ្ឌ Premier League ជាមួយនឹងក្លិបកាំភ្លើងធំ ក្នុងនោះក៏មានក្លិបធំពីរក៏ចាប់អារម្មណ៍ផងដែរ គ Manchester City និង Chelsea ដែល​ធ្លាប់ទាក់ទងទៅកាន់ អ្នកចាត់ការទូទៅសញ្ជាតិបារាំង Wenger ៕