យោងតាមគេហទំព័របរទេសនានាបានឲ្យដឹងថា កាលពីមួយខែមុនគ្រួសារមួយដែលរស់នៅប្រទេសស៊ុយអ៊ែត ចាប់បានកណ្តុរយក្សមួយដែលមានទំហំធំជាងកណ្តុរធម្មតាដល់ទៅបីដង។ ដោយសារតែកណ្តុរមួយក្បាលនេះចេះតែចេញមករាតត្បាតនៅក្នុងផ្ទះបាយរបស់គ្រួសារមួយនេះ ទើបពួកគាត់សម្រេចចិត្តទាក់ទងទៅក្រុមហ៊ុនបោសសម្អាត ដើម្បីកម្ចាត់កណ្តុរនេះចេញ។ ពីដំបូងពួកគេបានដាក់អន្ទាក់ដើម្បីចាប់កណ្តុរដ៏ធំនេះ ប៉ុន្តែការចំណាយពេលអស់ជាច្រើនថ្ងៃទើបអាចចាប់កណ្តុរនេះបាន។ លោកស្រី Erik ដែលជាប្រពន្ធរបស់ម្ចាស់ផ្ទះបានិយាយថា នេះជាសត្វកណ្តុរដែលធំជាងគេបំផុតមិនធ្លាប់ឃើញពីមុនមក ព្រោះវាមានប្រវែង ៤០ សង់ទីម៉ែត្របើវាស់ពីកន្ទុយមក។ តាមការប៉ាន់ស្មានកណ្តុរមួយនេះបានលួចចូលទៅរស់នៅក្នុងផ្ទះបានរបស់ពួកគេអស់រយៈពេលជាយូរណាស់មកហើយ៕
ព័ត៌មានជាតិ
មតិយោបល់