ភ្នំពេញ ៖ យុវជនពីរក្រុមបាន ដោយតែចូលក្លិប រាំជាន់ជើងគ្នា ពេលចេញដែលចេញពីក្លឹបវិញក៏បានដេញវ៉ៃគ្នាបណ្តាល ឲ្យមានការភ្ងាក់ផ្អើលដល់សមត្ថកិច្ចចុះអន្តរាគមន៏ ភ្លាមៗ កាលពីវេលាម៉ោង ១០និង៣០នាទីយប់ ថ្ងៃទី២៧ មីនា២០១៤ តាមបណ្តោយ ផ្លូវ១៩៨៦ ចំណុច មុខមន្ទីរពេទ្យ សកលវិទ្យាល័យ អន្តរជាតិ ស្ថិតនៅ សង្កាត់ភ្នំពេញថ្មី ខណ្ឌសែនសុខ ។
ប្រភពព័ត៌មានបានឱ្យដឹងថា នៅមុនពេលកើតហេតុ គេឃើញយុវជនមួយក្រុម មានគ្នា០៨នាក់ ជាកម្មករសំណង់ បាននាំគ្នាចូលទៅរាំកម្សាន្តនៅក្នុងក្លឹប ម៉ូណាកូតាំង ពីម៉ោង ៧រហូតដល់ម៉ោង កើតហេតុ ដោយក្រុមយុវជន ដែលមានគ្នា០៨នាក់ បានរាំជាន់ជើង យុវជនមួយក្រុមទៀត ដែលមានគ្នា ១០នាក់ ហើយក៏ឌឺដងដាក់គ្នា បន្ទាប់មកក្រុមយុវជន ដែលមានគ្នា០៨នាក់បានសុំទោសក្រុមយុវជន ដែលមានគ្នា១០នាក់ ហើយនាំគ្នាដើរចេញពីក្នុងក្លឹបទៅក្រៅ ក្នុងបំណងទៅផ្ទះ ពេលនោះក្រុមយុវជនដែលមានគ្នា១០នាក់ មិនអស់ចិត្ត ក៏ចេញទៅតាមវ៉ៃ ក្រុមយុវជន ដែលមានគ្នា០៨នាក់ ដោយខ្លះត្រូវមួយដៃ ខ្លះត្រូវ២ដៃ។ប៉ុន្តែសំណាងល្អដោយប៉ូលីស ជួយអន្តរាគមន៏ទាន់ កុំអីមិនដឹងរងរបួសយ៉ាងណានោះទេ។
ក្រោយពេលកើតហេតុសមត្ថកិច្ចបានឃាត់យុវជនខាងលើធ្វើការអោបរំ និងឲ្យត្រលប់ទៅផ្ទះវិញផងដែរ ព្រោះថាហេតុការណ៏នេះមិនបណ្តាលឲ្យមានអ្នកណារងរបួសឡើយ ៕
មតិយោបល់