ជំងឺទឹកនោមផ្អែមប្រភេទីពីរ បានរីករាយដាលកាន់តែខ្លាំងឡើងៗក្នុងពេលបច្ចុប្បន្ននេះ។ ភាពតានតឹង, ការបរិភោគអាហារមិនល្អ, អសកម្មរាងកាយអាចជាមូលហេតុនៃជំងឺទឹកផ្អែម។ បើទោះជាជំងឺទឹកនោមផ្អែមតែងតែកើតមានឡើងចំពោះមនុស្សវ័យចំណាស់ ប៉ុន្តែឥឡូវនេះមនុស្សវ័យក្មេងក៏មានជំងឺនេះកាន់តែខ្លាំងឡើងដែរ។
រោគសញ្ញាទូទៅនៃជំងឺទឹកនោមផ្អែមប្រភេទទីពីរៈ
– រោមច្រើនខុសពីធម្មតា
– បាត់បង់ទម្ងន់យ៉ាងឆាប់រហ័ស
– មិនអាចបញ្ឍប់ចំណង់បរិភោគតែរបស់ផ្អែម
– របួស, រលាក, មានស្នាមជាំ
– អស់កំលាំង និងឆាប់ខឹង
– ភ្នែកមានភាពស្រវាំង
– អាវៈយវៈមានភាពស្ពឹកស្រពន់
ដើម្បីកាត់បន្ថយហានិភ័យនៃ ជំងឺទឹកនោមផ្អែម និងការបញ្ច្រាសស្ថានភាពនៃជំងឺទឹកនោមផ្អែម ដំណាក់កាលដំបូង ត្រូវអនុវត្តវិធីសាមញ្ញៗដូចខាងក្រោម៖
១. ការធ្វើលំហាត់ប្រាណ
អនុវត្តឲ្យបានទៀងទាត់ ជួយរក្សានូវភាពវិជ្ជមាន នៃការអភិវឌ្ឍសាច់ដុំ។ ទោះបីជាអ្នកធ្វើការហាត់ប្រាណដោយដើរ ឬរត់ក៏ល្អសម្រាប់សុខភាពល្អដូចគ្នា ក្នុងរយៈពេលមួយសប្តាហ៍ត្រូវហាត់ ៥ ថ្ងៃ ហើយក្នុងមួយដងត្រូវហាត់កន្លះម៉ោង។
២. ត្រួតពិនិត្យទម្ងន់
ជំងឺទឹកនោមផ្អែមប្រភេទទីពីរទាក់ទងទៅនឹងការលើសទម្ងន់។ កោសិកាខ្លាញ់ដែលលើសអាចកាត់បន្ថយសមត្ថភាពនៃអាំងស៊ុយលីន ។ តាមការសិក្សាជាច្រើនបានបង្ហាញថា ប្រសិនបើមនុស្សលើសទម្ងន់ ឬធាត់ គឺអាចកាត់បន្ថយ ១០ ភាគរយ ហើយការហានិភ័យនៃជំងឺទឹកនោមផ្អែមប្រភេទទី ២ អាចកាត់បន្ថយបានញាក់កណ្តោល។
៣. អាហាររូបត្ថម្ភ
ប្រសិនបើអ្នកបរិភោគអាហារដែលមានជាតិស្ករច្រើន និងអាហារកែច្នៃ អាចមានហានិភ័យជំងឺទឹកនោមផ្អែម។ ប៉ុន្តែប្រសិនបើអ្នកបរិភោគអាហារ ដែលមានជាតិម៉ាញេស្យូមដូចជា៖ អង្គរពណ៌ត្នោត, អាល់ម៉ុង, ផ្លែប៊័រ… អាចកាត់បន្ថយជំងឺទឹកនោមផ្អែមប្រភេទនេះ ប៉ុន្តែមិនគួរបរិភោគដែលមានជាតិស្ករខ្ពស់ដូចជា ធុរេននោះទេ។
៤. កាត់បន្ថយភាពតានតឹង
ភាពតានតឹង (ធ្វើឲ្យប៉ះពាល់ដល់ផ្លូវចិត្ត) អាចពាក់ព័ន្ធទៅនឹងជំងឺទឹកនោមផ្អែមប្រភេទី ២ កើនឡើង។ ភាពតានតឹងអាចបង្កើនកម្រិត Cortisol នៅក្នុងរាងកាយ ដែលបង្កឲ្យអតុល្យភាពអាំងស៊ុយលីន។ ការគ្រប់គ្រងភាពតានតឹងនេះបានធានាថានឹងអ្នកនឹងទទួលបានការគេងលក់គ្រប់គ្រាន់៕
មតិយោបល់