នៅលើទឹកដី Old Traford វេលាម៉ោង ១២ និង ៤៥ នាទី ដែលជាម៉ោងក្នុងតំបន់ ត្រូវនឹងម៉ោងនៅកម្ពុជាម៉ោង ៧ និង ៤៥ នាទី ក្លិប បិសាចក្រហម បានលុត ក្លិប Aston Villa ក្នុង​លទ្ធផល ៤-១ និងជាលទ្ធផលមួយ ដើម្បីកាត់សម្ពាធ​របស់ David Moyes ។​

ក្នុងការប្រកួតនេះដែរ កីឡាករ Ashley Westwood របស់ Aston Villa បាន​រកបំប៉ោង​សំណាញ់របស់ម្ចាស់ផ្ទះ នៅនាទី ១៣ ​ដោយស៊ុតបាល់ហ្វ្រីហ្គិត ដោយធ្វើ​ឲ្យ Davi Moyes រង​សម្ពាធ យ៉ាងខ្លាំង ក៏ប៉ុន្តែ ៧ នាទីក្រោយ Rooney បាន​តែតបំប៉ោងសំណាញ់ ខណៈដែល Kagawa លើកបាល់​យ៉ាងស្អាតឲ្យនោះ ។​

លើសពីនេះទៅទៀត កីឡាករ Rooney បាន​ស៊ុតប៉េណ័លទី នៅនាទី ៤៥ ជួយ​ឲ្យក្លិបបិសាចក្រហម ឈ្នះបណ្តោះអាសន្ន ក្នុងលទ្ធផល ២-១ ។​ឈាន​មកដល់នាទី ៥៧ អតីតកីឡាកររបស់តោខៀវ Mata បាន​ស៊ុតបំប៉ោងសំណាញ់បន្ថែម ខណៈដែលនាទី ៩០ + ១ កីឡាករ Hernandez បន្ថែម​មួយក្រោមទៀត ធ្វើឲ្យបិសាចក្រហម​ឈ្នះ ក្នុងលទ្ធផល ៤- ១ ។​
សូមបញ្ជាក់ផងដែរថា បើទោះបីជាឈ្នះមែនពិត តែ​ងាក​មកមើលពីចំណុច​អវិជ្ជមានរបស់ក្លិប ក្រោមការ​ដឹកនាំរបស់ David Moyes វាបានក្លាយទៅជា​រឿងប្រវត្តិសាស្ត្រទៅហើយ ដោយ ៣២ ប្រកួត បិសាចក្រហម មានតែ ៥៤ ដែលជាពិន្ទុមួយ មិនធ្លាប់មាន កាលដែល Alex Ferguson នៅកាន់កាប់ ។ ក្រោមការដឹកនាំរបស់អតីត អ្នកចាត់ការទូទៅសញ្ជាតិស្កុត Alex Ferguson ៣១ ប្រកួត គឺមានពិន្ទុ មិនតិចជាង ៦៤ ឡើយ ៕​
ទស្សនាវីដេអូឃ្លិបដូចខាង​ក្រោមនេះ៖