ប៉េងបោះគឺជាផ្លែឈើមួយប្រភេទ ដែលត្រូវបានគេទទួលស្គាល់ថា មានអត្ថប្រយោជន៍យ៉ាងច្រើនសម្រាប់សុខភាព។ នៅក្នុងប៉េងបោះទុំចំនួន ១០០ ក្រាម មានផ្ទុកវីតាមីន A ១៣ ភាគរយ, វីតាមីន B6 ៨ ភាគរយ, វីតាមីន C ៣៣ ទៅ ៥០ ភាគរយ, B2 (០.០៤ មីលីក្រាម), វីតាមីន B1 (០,០០៦ មីលីក្រាម), PP (០.៥ មីលីក្រាម)។ ចំណែកឯសារធាតុចិញ្ចឹមមានដូចជា ប្រូតែអ៊ីន, ជាតិស្ករ, ជាតិខ្លាញ់ និងសារធាតុរ៉ែ ដូចជាកាល់ស្យូម, ជាតិដែក, ប៉ូតាស្យូម, ផូស្វ័រ សុទ្ធតែមានប្រយោជន៍ដែលរាងកាយត្រូវការ។
អត្ថប្រយោជន៍មួយចំនួននៃផ្លែប៉េងបោះ
– ផ្តល់វីតាមីនសម្រាប់រាងកាយ៖ ការបរិភោគប៉េងបោះ ២០០ ក្រាមក្នុងមួយថ្ងៃ (លាងទឹកឲ្យស្អាត បរិភោគឆៅ) អាចបំពេញតម្រូវការវីតាមីន A, C, ជាតិដែក និងប៉ូតស្យូម នៃរាងកាយ ក្នុងរយៈពេល ២៤ ម៉ោង។
– ព្យាបាលជំងឺលើសឈាម៖ ពេលព្រឹកព្រលឹម មិនទាន់បរិភោគអាហារ អ្នកអាចយកប៉េងបោះ ១ ទៅ ២ ផ្លែ សម្អាតដោយទឹកក្តៅ បន្ទាប់មកហាន់ជាចំណិតតូចៗ លាយស្ករ បន្តិចដើម្បីទទួលបានជាតិផ្អែម រួចចាប់ផ្តើមបរិភោគ។ អ្នកអាចធ្វើបែបនេះរយៈពេលពី ១០ ទៅ ១៥ ថ្ងៃនឹងឃើញលទ្ធផល។
– រំញោចការរំលាយអាហារ និងស្បែកស្រស់ស្អាត៖ ប៉េងបោះ ២០០ ក្រាម, ផ្លែប៉ោម ១៥០ ក្រាម, ផ្លែក្រូច ៨០ ក្រាម, ចេកទុំ ១០០ ក្រាម, ស្ពៃក្តោប ១០០ ក្រាម ចំរាញ់វាឲ្យទៅជាទឹក រួចផឹក ៣ ដងក្នុងមួយថ្ងៃ។
– ព្យាបាលជំងឺក្រពះ៖ ទឹកប៉េងបោះ ១៥០ មីលីលីត្រ, ទឹកផ្លែប៉ោម ១៥ មីលីលីត្រ លាយបញ្ចូលគ្នា បរិភោក ២ ទៅ ៣ ដងក្នុងមួយថ្ងៃ។
– ព្យាបាលជំងឺថ្លើមរ៉ាំរ៉ៃ៖ យកប៉េងបោះស្អាត ២៥០ ក្រាម, សាច់គោ ១០០ ក្រាម ហាន់ជាចំណិតស្តើងៗ, ខ្លាញ់, ទឹកត្រី… ឆាជាមួយបាយជារៀងរាល់ថ្ងៃ។ អាហារមួយប្រភេទនេះអាចជួយបង្កើនដល់មុខងារថ្លើម ប៉ូវឈាម និងជួយដល់មុខងាររំលាយអាហារ ជាពិសេសវាអាចជួយព្យាបាលជំងឺរលាកថ្លើមរ៉ាំរ៉ៃឲ្យបានប្រសើរឡើងវិញ៕
មតិយោបល់