ភ្នំពេញ ៖ ស្ត្រីម្នាក់បានត្រូវកម្លាំងនគរបាលប៉ុស្តិ៍ដើមថ្កូវបានធ្វើការឃាត់ខ្លួនភ្លាមៗ ពីបទជួញដូរគ្រឿងញៀនខុសច្បាប់នៅលើផ្លូវឌឿងហែម មុខផ្ទះគ្មានលេខតាមបណ្តោយផ្លូវ ព្រះមុនីវង្ស ក្នុងសង្កាត់ផ្សារដើមថ្កូវខណ្ឌចំការមន កាលពីវេលាម៉ោង៦ និង២០ នាទីល្ងាច ថ្ងៃទី៣១ ខែមីនា ២០១៤នៅពេលសមត្ថកិច្ចកំពុងជិះម៉ូតូដើរល្បាតតាមមូលដ្ថាន។
ស្ត្រីខាងលើមាន ឈ្មោះចាន់ ធី អាយុ២១ឆ្នាំ ស្នាក់នៅផ្ទះជួលគ្មានលេខ តាមបណ្តោយផ្លូវព្រះមុនីវង្ស ក្នុងសង្កាត់ទន្លេបាសាក់ ខណ្ឌ ចំការមន ។
ប្រភពព័ត៌មានបានឱ្យដឹងថានៅមុនពេលឃាត់ខ្លួនស្ត្រីខាងលើគឺកម្លាំងនគរបាលប៉ុស្តិ៍ដើមថ្កូវ កំពុងជិះម៉ូតូដើរល្បាតតាមមូលដ្ថានតាមផ្លូវឌឿងហែម មុខផ្ទះគ្មានលេខដោយបានឃើញស្ត្រីម្នាក់ឈរនៅកន្លែងងងឹត ដោយមានការសង្ស័យ នគរបាលក៏បានហៅសាកសួរនិងឆេកឆេរ ក៏បានឃើញម្សៅក្រាមសថ្លាចំនួន៤កញ្ចប់តូច ដាក់ក្នុងការបូបដៃតូចមួយព៌ណសលាយឆ្នូតស ដែលស្រីរូបនេះបានបោះចោល ប្រមាណជាកន្លះម៉ែត្រពីខ្លួននៅបន្ទាប់ពីបានឃើញមានវត្ថុតាងរួចហើយ ក៏បាននាំធ្វើការឃាត់ខ្លួនស្ត្រីនោះភ្លាមៗតែម្តង ។
បច្ចុប្បន្នជនសង្ស័យខាងលើត្រូវបាននគរបាលប៉ុស្តិ៍ដើមថ្កូវ បញ្ជូនមកទីនរគបាល ខណ្ឌចំការមនធ្វើការសាកសួរ ដើម្បីកសាងសំណុំរឿងបញ្ជូនទៅតុលាការផ្ដន្ទាទោសតាមផ្លូវច្បាប់៕
មតិយោបល់