ភ្នំពេញ ៖ បុរសម្នាក់ត្រូវបានរថយន្តមិនស្គាល់ម៉ាកមួយគ្រឿង បើកកិនពីលើបណ្តាលឲ្យស្លាប់ភ្លាមៗនៅកន្លែងកើតហេតុ កាលពីវេលាម៉ោង១០និង២០នាទីចំណុច មុខសិប្បកម្មធ្វើទ្វារបង្អូច ហង្ស អេង ស្ថិតនៅភូមិថ្មគោល សង្កាត់ចោមចៅ ខណ្ឌ ពោធិ៍សែនជ័យ ។
យោងតាមប្រភពព័ត៌មាននៅកន្លែងកើតហេតុបានឱ្យដឹងថា គេឃើញបានឃើញបុរសម្នាក់បានជិះម៉ូតូមួយគ្រឿងម៉ាក ស្មាស់ស៊េរីចាស់ ពាក់ស្លាកលេខ ភ្នំពេញ1G-2789 ក្នុងទិសដៅពីលិចមកកើតដោយធ្វើដំណើរតាមផ្លូវបេតុង ស្រាប់តែមកដល់កន្លែងកើតហេតុខាងលើ បានវ៉ារថយន្តខាង ស្តាំដៃហើយធ្លាក់ជង្ហុក ម៉ូតូលើផ្លូវអូសចម្ងាយ ២ម៉ែត្រ ហើយក៏ត្រូវបានរថយន្តមិនស្គាល់ម៉ាកជិះស្របទិសគ្នា មកកិនពីលើជនរងគ្រោះបណ្តាលឱ្យស្លាប់ភ្លាមៗនៅ និងកន្លែងស្លាប់យ៉ាងអណោចអធម័ហើយរថយន្តបង្កនេះបានបើកគេចខ្លួនបាត់ស្រមោល ។ជនរងគ្រោះខាងលើនៅមិនទាន់ស្គាល់អត្តសញ្ញាននៅឡើយទេ។
ក្រោយពេលកើតហេតុ សមត្ថកិច្ចបានចុះមកដល់កន្លែងកើតហេតុ និងព្យាយាមទំនាក់ទំនង់រកក្រុមគ្រួសារ ឲ្យមកទទួលយកសពទៅធ្វើបុណ្យតាមប្រពៃណី ហើយចំណែកម៉ូតូវិញសមត្ថកិច្ចបានយកទៅរក្សាទុកនៅនគរបាលខណ្ឌ ពោធិ៍សែនជ័យ ដើម្បីរងចាំបងប្អួនមកទទួលយកទៅវិញ៕
មតិយោបល់