ភ្នំពេញ៖ដោយសារតែជាតិស្រវឹងធ្វើឲ្យបុរសម្នាក់ជិះម៉ូតូទៅបុកនិងរថយន្តមួយគ្រឿងដែលកំពុងឈប់ស្ងៀមនៅចិញ្ចើមផ្លូវមួយទំហឹងបណ្តាលឲ្យរងរបួសបែកក្បាលហូរឈាមស្រោចខ្លួន កាលពីវេលាម៉ោង ៩និង១០នាទីយប់ថ្ងៃ ០១ខែមេសាឆ្នាំ២០១៤ នៅតាមបណ្តោយផ្លូវ សហពន្ធ័រុស្ស៊ី សង្កាត់ការកាប ខណ្ឌ ពោធិ៍សែនជ័យ។
តាមប្រភពព័ត៌មាននៅកន្លែងកើតហេតុ បានឲ្យដឹងថានៅមុនពេលកើតហេតុគេបានសង្កេត ឃើញរថយន្តមួយគ្រឿង ម៉ាក ម៉ាសេដះ S430 ពណ៌ខ្មៅ ពាក់ស្លាក់លេខ ខេមរៈភូមិន០២ ២-០២៧៣ ដែលបើកបរដោយបុរសម្នាក់ បានបើករថយន្តមកឈប់នៅចំណុចខាងលើ ខណៈក៏ស្រាប់តែមានមានបុរសម្នាក់បានជិះម៉ូតូមួយគ្រឿងម៉ាក ហុងដាឌ្រឹម C127 ពណ៌ខ្មៅ ពាក់ស្លាក់លេខ កណ្តាល 1D- 9420 បានជិះក្នុងល្បឿនលឿន ពីទិសដៅកើតលិច ក៏ជ្រុលមកបុកពីក្រោយរថយន្តដែលកំពុងឈប់ស្ងៀមនៅចិញ្ចើមផ្លូវ ពេញមួយទំហឹងធ្វើឲ្យបើកម៉ូតូរងរបួសបែកក្បាលហូរឈាមស្រោចខ្លួនហើយចំណែករថយន្តនិងម៉ូតូក៏រងការខូចខាត់ផងដែរ។
ក្រោយពេលកើតហេតុសមត្ថកិច្ចមូលដ្ឋានបានចុះមកអន្តរាគមន៍ហៅរថយន្តសាមុយដឹកអ្នករងគ្រោះទៅមន្ទីរពេទ្យ ហើយចំណែកម៉ូតូនិងរថយន្តខាងលើត្រូវសំរាចវាស់វែងយកទៅរក្សាទុកនៅខណ្ឌពោធិ៍សែនជ័យ រងចាំការដោះស្រាយគ្នាតាមផ្លូវច្បាប់នាពេលក្រោយ៕
មតិយោបល់