ភ្នំពេញ ៖ បុរស០២នាក់បានរងរបួសធ្ងន់ ក្នុងហេតុការណ៏គ្រោះថ្នាក់ចរាចរណ៏ដែលបង្កឡើងដោយរថយន្តកូរ៉េដឹក អង្កមួយគ្រឿង រីយ៉ែថយក្រោយទៅបុកចំពីមុខម៉ូតូរបស់ជនរងគ្រោះ ចំពេញទំហឹង ហេតុការណ៏នេះកើតឡើងនៅវេលាម៉ោង៩និង២០នាទីយប់ ថ្ងៃទី០១ មេសា ២០១៤ ចំណុចទល់មុខឃ្លាំងអង្កមួយកន្លែង នៅតាមបណ្តោយបផ្លូវ ២០០៤ ស្ថិតនៅក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តកូរ៉េ ពណ៌ស ពាក់ស្លាកលេខ ដ.0177ភព៣ បើកដោយបុរសម្នាក់ ដឹកអង្ក ២តោនកន្លះ បានរីយ៉ែរថយន្តថយក្រោយ ចេញពីឃ្លាំងអង្កមួយកន្លែង នៅផ្លួវ២០០៤ ក៏បានបុកម៉ូតូ ស្មាសវី ពណ៌ស ខ្មៅពាក់ស្លាកលេខ ភ្នំពេញ 1CH-1790 ជិះដោយយុវជន ០២នាក់ បណ្តាលឱ្យម៉ូតូគាបជាប់និងគូថ រថយន្តកូរ៉េនោះ ហើយអ្នកជិះម៉ូតូរងរបួសធ្ងន់ទាំង០២នាក់ ។
ក្រោយពេលកើតហេតុជនរងគ្រោះទាំង០២នាក់ ត្រូវបានគេយកទៅព្យាបាលនៅមន្ទីរពេទ្យភ្លាមៗ ចំណែកម៉ូតូនិងរថយន្តខាងលើសមត្ថកិច្ចបានវាស់វែងយកទៅរក្សាទុកនៅអធិការដ្ឋាននគរបាលខណ្ឌសែនសុខ រង់ចាំការដោះស្រាយតាមផ្លូវច្បាប់។
មតិយោបល់