តារាសម្តែងដ៏ល្បីល្បាញរបស់កូរ៉េខាងត្បូង លោក Lee Byung Hun នឹង​លេង​​នៅក្នុង​ផ្នែកទី ៥ ក្នុងរឿង​ស៊េរី Terminator: Genesis ដែលជាវគ្គថ្មី​។​
បន្ទាប់ពីបង្ហាញខ្លួន លើខ្សែភាពយន្តហូលូវ៉ូតជាច្រើន ដូចជា GI Joe: The Rise of Cobra (2009), GI Joe: Retaliation (2013) និង RED 2 (2013) តារាសម្តែង​របស់កូរ៉េខាត្បូង Lee Byung Hun នឹង​បន្តការចូលរួមថតខ្សែភាពយន្តថ្មី របស់ហូលូវ៉ូតផ្សេង​ទៀត​។ ខ្សែភាពយន្តដែល Lee Byung Hun នឹងត្រូវថតនោះគឺជា រឿង Terminator: Genesis ។​

ខាង​ក្រុមហ៊ុន BH Entertainmen បានបញ្ជាក់ថា “តារាសម្តែង Lee Byung Hun នឹង​លេចមុខ​ក្នុងរឿង Terminator 5 ដោយពួកគេ​កំពុងចរចារ អំពីតួតំណាង និង​ជាតួសំខាន់នៅក្នុងចរន្តរឿងនេះ​ ហើយ គាត់នឹង​ចាប់ផ្តើមថត កុននេះ នៅ ដើម​ខែ ឧសភាខាងមុខ​” ។​
លើសពីនេះទៅទៀតក្រៅពី Lee Byung Hun នៅមាន​តារាពីរដួងទៀត មាន Sandrine Holt និង Michael Gladis ។​
ឆ្លើយតបទៅនឹង​ពេលវេលាដាក់បញ្ជាំង ខាងទំព័រ IMDb បាន​ឲ្យដឹងថា រឿងចុងក្រោយនេះ នឹង​ត្រូវ​ បញ្ចប់ និង បង្ហាញវត្តមានវាយលុករោងកុន នៅថ្ងៃទី ២ ខែ កក្កដា ឆ្នាំ ២០១៥ ៕​