​អ្នកសារព័ត៌មាន​របស់ Reuters បាន​បញ្ជាក់​ឲ្យដឹងថា ក្រុមហ៊ុន Apple នឹង​ចាប់ផ្ដើម​សង្វាក់​ផលិតកម្ម iPhone អេក្រង់ ៤,៧​អ៊ីង នៅក្នុង​ខែ​ឧសភា​ខាងមុខនេះ​។​
​ប្រភព​ដដែល​បាន​បន្តទៀតថា សម្រាប់​ព័ត៌មាន​ដែល​បាន​ចុះផ្សាយ​ថា ក្រុមហ៊ុន Apple នឹង​បង្ហាញ iPhone អេក្រង់​ធំ​នោះ ប្រហែលជា​មិន​ពិត​នោះ​ទេ​សម្រាប់​ឆ្នាំនេះ ព្រោះថា ក្រុមហ៊ុន​មាន​បញ្ហា​ទៅលើ​ការផលិត iPhone អេក្រង់ ៥,៥​អ៊ីង ហើយក៏​មិន​ប្រាកដ​ផងដែរ​ថា Apple ពន្យារ​ពេល​ក្នុង​ការផលិត iPhone អេក្រង់ ៥,៥​អ៊ីង ដល់​ពេល​ណា​នោះ​ទេ​។​
​គួរ​បញ្ជាក់​ផង​ដែរ​ថា សម្រាប់​ពេល​នេះ iPhone 5/5S មាន​អេក្រង់​ត្រឹមតែ ៤​អ៊ីង​ប៉ុណ្ណោះ ដែល​ជា​អេក្រង់​ធំ​ជាង​គេ​បំផុត​៕​