កម្មករដែលបម្រើការងារនៅក្នុងរោងចក្រ Nokia នៅប្រទេសឥណ្ឌាបាននាំគ្នាតវ៉ាទាមទារសំណងខណៈពេលដែលក្រុមហ៊ុនផលិតទូរស័ព្ទដៃហ្វាំងឡង់មួយនេះផ្ទុះជម្លោះពន្ធជាមួយនឹងអាជ្ញាធរឥណ្ឌា ដែលបានធ្វើឲ្យរាំងស្ទះដល់ការផ្ទេរកម្មសិទ្ធិទៅឲ្យក្រុមហ៊ុន Microsoft ។
កម្មករប្រមាណជា ៤.០០០នាក់ ដែលបម្រើការងារនៅក្នុងរោងចក្រ Nokia ក្នុងតំបន់ Chennai ដែលជារោងចក្រធំមួយក្នុងចំណោមរោងចក្រធំៗរបស់ Nokia។ កម្មករទាំងនោះ បាននាំគ្នាធ្វើការបង្អត់អាហារ ចាប់ពីម៉ោង ១០ព្រឹករហូតដល់ម៉ោង ៥ល្ងាច។
ប្រធានសហជីពបានឲ្យដឹងថា ពួកកម្មករទាំងអស់ ព្រួយបារម្ភទៅលើការផ្ទេរកម្មសិទ្ធិរោងចក្រទៅឲ្យក្រុមហ៊ុន Microsoft ដោយខ្លាចអត់ការងារធ្វើ ដូច្នេះហើយពួកគេចង់ឲ្យក្រុមហ៊ុន Nokia ផ្ដល់ការសន្យាមួយថាមិនមានការប្រែប្រួលនៅពេលដែលផ្ទេរកម្មសិទ្ធិ។
គួរបញ្ជាក់ផងដែរថា ក្រុមហ៊ុន Nokia បានលក់អាជីវកម្មទូរស័ព្ទចល័តទៅឲ្យក្រុមហ៊ុន Microsoft ក្នុងតម្លៃ ៧,៥ពាន់លានដុល្លារអាមេរិក ហើយការផ្ទេររោងចក្រផលិតទូរស័ព្ទដៃនៅឥណ្ឌាត្រូវបានរាំងស្ទះដោយសារតែ Nokia ជំពាក់ពន្ធឥណ្ឌា៕
មតិយោបល់