នៅលើ បណ្តាញផ្សាយ OWN បាន​បង្ហាញព័ត៌មានថា ​អ្នកស្តាប់មិនអាចភ្ញាក់ផ្អើល ​ជាមួយនឹងនាង Lindsay Lohan ។ នាង Lindsay Lohan បាននិយាយថា នាង​ជិត​នឹងក្លាយទៅជា សម្តែង​ក្នុងរឿង The Avengers ទៅហើយ ក៏ប៉ុន្តែ មកពីអ្នកគ្រប់គ្រងរបស់នាង មិនជួយប្រម៉ូត ដូច្នេះខាងក្រុមហ៊ុនថតរឿងក៏យកអ្នកផ្សេងម្តង​ទៅ​។​

នាង Lindsay Lohan ហាក់ដូចជាខឹង និងយំ ដោយនិយាយអំពី ការគ្រប់គ្រងរបស់ក្រុមហ៊ុន ដែលមិនជួយជ្រុមជ្រែងនាង ឲ្យវិល​ចូល​រួមថត​ខ្សែភាពយន្ត សារជាថ្មី​ ។ ក្នុងនោះនាងបានថ្អួញថ្អែរថា នាង​បានខិតខំធ្វើអ្វីគ្រប់យ៉ាងទៅហើយ តែ ខាង​ក្រុម​ និងអ្នគ្រប់គ្រង នៅមិន​ទាញរូបនាង​ឲ្យថតរឿងល្បីៗសោះឡើយ​។​

សម្រាប់រឿង The Avengers វគ្គថ្មី នៅពេលបច្ចុប្បន្ននេះ កំពុងដំណើរការថតនៅក្នុង ប្រទេ​សកូរ៉េ ដែល​ធ្វើឡើងនៅលើស្ពាន Mapo Bridge ដោយនៅខាងក្រោមស្ពានមាន​ ទូក និងសមាជិកធ្វើការ​រឿងនេះ ត្រៀមថត ពីសកម្មភាព​ដ៏គ្រោះថ្នាក់ ។​ តែ​ទោះជាយ៉ាងណា បានរំខានដល់ការ​ធ្វើការដំណើររបស់ អ្នកធ្វើដំណើរត្រូវឆ្លងកាត់ស្ពាននេះ ។ ទន្ទឹមជាមួយនឹងគ្នានេះលោក Joss Whedon ដែលជាអ្នកដឹកនាំរឿង ក៏បានចេញសេចក្តីថ្លែងការណ៍សូមទោស ដល់ប្រជាជនកូរ៉េ ចំពោះកា​ររអាក់រអួល និងភាពរំខានខ្លះ របស់ខ្លួន ។ ក្រៅពីនេះគាត់ក៏បានសន្យាថា នឹង​ថត​ពីទេសភាពដ៏ស្រស់ស្អាត ​​ដាក់ក្នុងខ្សែភាពយន្តនេះ ដែលភាពយន្តហូលីវ៉ូត មិនធ្លាប់មាន ពីមុន ម​ក​​។​​
រឿង The Avengers: Age of ULTRON វគ្គថ្មីនេះ នឹង​ចូលរួមសម្តែងដោយតារាកូរ៉េនាង Kim Soo Hyun ដែលជា​តារាកូរ៉េស្រីដំបូងលេច​មុខ​ក្នុង​សកម្មភាពថតរឿង​របស់ហូលីវ៉ូត ហើយរឿងនេះដែរនាងវាយលុករោងកុននៅ ឆ្នាំ ២០១៥ ៕​