អស់រយៈពេលជាច្រើនឆ្នាំមកហើយ ប្រជាជនមួយចំនួនធំកាន់សាសនា ហិណ្ឌូ ដែលរស់នៅក្នុងតំបន់ Agra ប្រទេសឥណ្ឌាមានជំនឿថា ការផឹកទឹកនោម គោញើដែលនៅព្រហ្មចារី អាចជួយព្យាលបាលជំងឺរបស់ពួកគេបាន។ នៅក្នុងជំនឿសាសនា ហិណ្ឌូ យល់ថាសត្វគោគឺជាវិញ្ញាណមួយដ៏ពិសិដ្ឋ ដែលមានសមត្ថភាពក្នុងការនាំមកនូវមន្តអាគមន៍ ដូច្នេះហើយបានជាប្រជាជនឥណ្ឌាភាគច្រើនមានជំនឿខ្លាំង សូម្បីតែទឹកនោមគោដែលពោរពេញទៅដោយភាពកខ្វក់ក៏ពួកគេហ៊ានផឹកដែរ។ ជាងនេះទៅទៀតប្រជាជនមួយចំនួនធំជឿថា ទម្លាប់នៃការផឹកទឹកនោមគោអាចជួយការពារពួកគេឲ្យសុខសប្បាយ រួមទាំងអាចព្យាបាលជំងឺមហារីក ប៉ុន្តែលោកវេជ្ជបណ្ឌិតមិនបានផ្តល់អនុសាសន៍បែបនេះឡើយ។
លោក Jairam Singhal វ័យ ៤២ ឆ្នាំដែលជាអ្នកផឹកទឹកនោមគោទៀងទាត់បាននិយាយថា ជាងមួយទសវត្សមកហើយ ដែលលោកបានផឹកទឹកនោមគោជំនួសថ្នាំ ធ្វើឲ្យជំងឺទឹកនោមផ្អែមរបស់គាត់មានភាពធូរស្រាលយ៉ាងខ្លាំង។ សត្វដែលចិញ្ចឹមនៅក្នុងចំការរបស់លោក Singhal ក្នុងទីក្រុង Agra មានអាយុជាង ១២ ឆ្នាំបានផ្តល់ទឹកនោមសម្រាប់មនុស្សជាច្រើន។ ជារៀងរាល់ព្រឹកមានមនុស្សរាប់សិបនាក់បានតម្រង់ជួរគ្នា ដើម្បីទទួលបានទឹកនោមគោលដ៏បរិសុទ្ធចុងក្រោយបំផុត។
តាមរបាយការណ៍ឲ្យដឹងថា ទឹកនោមគោនោះត្រូវតែទទួលបានពីសត្វគោនៅព្រហ្មចារី នៅមុនពេលថ្ងៃរះ ទើបមានឥទ្ធិពលនៃការលើកកម្ពស់អតិបរមាថ្មី។
អ្នកដែលធ្វើតាមការព្យាបាលដ៏ចម្លែកនេះបានអះអាងថា ទឹកនោមនោះអាចព្យាបាលជំងឺមហារីកដោយជោគជ័យ រួមបញ្ចូលទាំងជំងឺទឹកនោមផ្អែម, ដុំសាច់, ក្រពះ, ជំងឺរបេង និងជំងឺជាច្រើនទៀត។ លើសពីនេះទៅទៀតមនុស្សដែលនៅក្នុងទីក្រុង Agra នៅតែជឿជាក់ថា ទឹកនោមគោអាចជួយដោះស្រាយបញ្ហាដ៏ល្អបំផុតចំពោះជំងឺ ទំពែក (ជ្រុះសក់) ៕
មតិយោបល់